Aschdrf
Aschdrf (usgsproche [ɑˑʃdə̆f]), also miteme kuum heerbare "r", hochdütsch Arisdorf) isch e politischi Gmeind im Bezirk Lieschtel vom Kanton Basel-Landschaft in dr Schwiiz.
Arisdorf | |
---|---|
Basisdate | |
Staat: | Schwiiz |
Kanton: | Basel-Landschaft (BL) |
Bezirk: | Liestal |
BFS-Nr.: | 2821 |
Poschtleitzahl: | 4422 |
Koordinate: | 624605 / 262524 |
Höchi: | 345 m ü. M. |
Flächi: | 9.99 km² |
Iiwohner: | 1699 (31. Dezämber 2021)[1] |
Website: | www.arisdorf.ch |
Ortspanorama | |
Charte | |
Dialäkt: Baseldytsch |
Laag ändere
Aschdrf ligt uff 345 m. ü. M. in dr Nechi vor Autobahnusfaart Aschdrf vor Autibahn A2 (Basel-Chiasso). Zur Gmeind gheert au dr Wyyler Olschbrg, wo durch dr Violebach vor Gmeind Olschbrg im Kanton Aargau trennt wird. Aschdrf isch mit dr Poschtautilinie 83 vor Kantonshauptstadt Lieschtel und vo Augscht/Brattele erschlosse. Sini Nochbergemeinde sind Giibenech, Füllschdrf, Lieschtel, Herschbrg und vom Aargau Magde und Olschbrg.
Wappe ändere
S Aschdrfer Wappe zeigt e schwarze Bär, wo uff emene rote Dreibärg stoot. Dr Hintergrund isch goldig. S Wappe entspricht em Siigel vom letschte adlige Dorfbsitzer, em Herr vom Bärefels.
Gschicht ändere
1154 isch Aschdrf erschtmols als Dorf vom Arnold (Arnolsdorf) erwähnt. 1300 isch s Dorf vo de Froburger a d Herre vo Thierstai ibergange. 1446 hän denne de Herre vom Bärefels s ganze Dorf uffkauft und 1532 an d Stadt Basel verkauft. 1798 isch Aschdrf Usgangspunkt vo dr Basler Revolution gsi, wo de Landschäftler Untertane d Glichberächtigung mit dr Stadt Basel brocht hett (nid z'verwäggsle mit dr Kantonstrennig 1832).
S Dorf Olsbärg isch 1461 deilt worde, wo dr Dorfdeil uf dr lingge Site vom Violebach zu Basel cho isch. Sit 1882 isch Olsbärg e Deil vo dr Gmeind Aschdrf.
Wirtschaft ändere
Aschdrf isch e typischs Buuredorf mit vilne Chriesi- und Epfelböim.
Sehenswürdigkeite ändere
- Die spotgotischi Chile vo 1595 mit em erschte harmonische Gloggeglüüt (dreistimmig) vom Baselbiet (vo 1849)
- Alti Miihli
- Alts Pfarrhuus mit de 1798 in die südlig Laubestitzi ygritzte Symbol vor franzeesischi Revolution.
Perseenligkeite ändere
- Johann Buxtorf (1663-1732), isch vo 1694 bis 1704 reformierte Pfarrer gsi
- Marc Surer (*1951), Rennfahrer. Hett vo 1980 bis 1986 Formel 1-Renne gfahre. Kommentiert hytte no sottigi Renne bi Premiere.
Literatur ändere
- Hans-Rudolf Heyer: Die Kunstdenkmäler des Kantons Basel-Landschaft, Band II: Der Bezirk Liestal. Hrsg. von der Gesellschaft für Schweizerische Kunstgeschichte GSK. Bern 1974 (Kunstdenkmäler der Schweiz Band 62). ISBN 3-7643-0727-7. S. 5–24.
Weblink ändere
- Offizielli Website
- Infos vom Kanton
- Thomas Schibler: Aschdrf. In: Historisches Lexikon vo dr Schwiiz.
Fuessnoote ändere
- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2021. Bei späteren Gemeindefusionen Einwohnerzahlen aufgrund Stand 2021 zusammengefasst. Abruf am 13. März 2023
Dä Artikel basiert uff ere fräie Übersetzig vum Artikel „Arisdorf“ vu de dütsche Wikipedia. E Liste vu de Autore un Versione isch do z finde. |