Karl I. vu Bade

Dialäkt: Undermarkgreflerisch

Dr Karl I. vu Bade (* 1427; † 24. Februar 1475 z Pforze; gnännt dr Chrieger) isch Markgrof vu Bade gsii.

dr Markgrof Karl I. vu Bade

Lääbe

Är isch dr erscht Suhn us dr Verbindig vu dr Katharina vu Lothringe un em Markgrof Jakob I. vu Bade gsii.

Dr Karl I. isch weniger no sym diplomatische Vater, nai, meh no sym strytbare Großvater chuu. Dr Karl I. het 1462 mit em Churfirscht Friedrich I. vu dr Pfalz, gnännt dr Siigrych, Händel ghaa, wu zum Badisch-Pfälzische Chrieg gfiert hän. Wu dr Markgrof im Stryt zwisch em Chaiser Friedrich III., em Papscht Pius II. un verschidene Firschte um d Bsetzig vum Bischofsstuel vu Mainz zerscht versuecht ghaa het z vermittle, no aber doch d Bartei vu sym Brueder, em Bischof Georg vu Metz, ergriffe het, isch s druf zum Badisch-Pfälzische Chrieg chuu.

Dodrus isch s zue Verwieschtige un Plinderige uf boode Syte chuu un in dr Schlacht bi Seckenheim isch dr Markgrof dur dr Friedrich I. vu dr Pfalz feschtgsetzt wore. Ass er frei chuu isch, het dr Markgrof mieße 25.000 Gulde zahle, sy Aadail an dr Grofschaft Sponheim as Pfand abgee un Pforze zum pfälzische Lääche mache. Dr Friedrich I. vu dr Pfalz het dodermit sy Aaspruch as Churfirscht gsicheret ghaa. D Bai vum Karl I. hän in dr Stiftschilche z Bade-Bade iri letscht Rue gfunde.

Eh un Chinder

Dr Karl I. het am 1. Juli 1447 z Pforze d Katharina vu Eschtrych (1420–1493) ghyrote, e Dochter vum Ernst em Yserne un e Schweschter zum spetere Chaiser Friedrich III. Us däre Verbindig stamme die Chinder:

• Christoph (* 13. Novämber 1453 z Bade-Bade; † 19. April 1527 z Bade-Bade)
• Albrecht (* 1455 z Hachberg; † 1488 z Damme)
• Friedrich (* 9. Juli 1458; † 24. Septämber 1517 z Lier); Bischof vu Utrecht
• Katharina (* 15. Jänner 1449; vor † 8. Mai 1484) ⚭ 19. Mai 1464 Grof Georg III. vu Werdenberg-Sargans
• Cimburga (* 15. Mai 1450; † 5. Juli 1501 z Breda) ⚭ 19. Dezämber 1468 Grof Engelbert II. vu Nassau-Dillenburg
• Margaretha (* 1452; † 14. Jänner 1496 z Lichtedal); Äbtissi im Chloschter Lichtedal
• Anna, unehligi Dochter ⚭ 1471 Johannes Henne

Literatur

• Arthur Kleinschmidt: Karl I. der Kriegerische, Markgraf von Baden. In: Allgemeine Deutsche Biographie (ADB). Band 15, Duncker & Humblot, Leipzig 1882, S. 228–233.
• Korrektur. In: Allgemeine Deutsche Biographie (ADB). Band 16, Duncker & Humblot, Leipzig 1882, S. 798.
• Konrad Krimm: Karl, Markgraf von Baden. In: Neue Deutsche Biographie (NDB). Band 11, Duncker & Humblot, Berlin 1977, ISBN 3-428-00192-3, S. 219 f.
• Johann Christian Sachs: Einleitung in die Geschichte der Marggravschaft und des marggrävlichen altfürstlichen Hauses Baden. Zweyter Theil. Lotter, Carlsruhe 1767, S. 379–508 (Volltext uf books.google.de). 

Fueßnote

Vorgänger	Amt	Nachfolger
Georg	Markgrof vu Bade 1454–1475	Christoph I.

Dä Artikel basiert uff ere fräie Übersetzig vu dere Version vum Artikel „Karl_I._(Baden)“ vu de dütsche Wikipedia. E Liste vu de Autore un Versione isch do z finde.