Kassler

Dä Artikel handlèt vun èm Pökelfleisch Kassler; zum glychnammigè Brot luég bi Kassler Brot. Zuè dè voschidènè Bezeichnungè vo dè Ywooner vo dè nordhessischè Stadt Kassel bitte dört luègè.

S Kassler odder Kasseler isch è pöklèts un lycht gräuchtes Schwynigs. Hèrgschtellt wörd Kassler us èm Rippèschtugg (Kassler Rippèschpeer, Kassler Kotlètt, Kassler Lachsfleisch), èm Naggè (Kassler Kamm), dè Schultèrè (Kassler Blatt) un èm Buuch von èrè Sau.

Kassler Kotlètt (rohes Ländèkotlètt mit Filet)

Z Öschterrych sait mò im Kassler Selchkarree odder Gselchts,, i dè Schwiz isch es è gräuchts Rippli.

Zuèbreitung

Kassler Ruggè mit Bylagè

Kassler im Brotdeig

Kassler isch Bschtanddeil vo deftigé Ytöpf, bsunders in Vobindung mit Chrutt odder Chabbis, cha abber au bròtè, kocht odder im Ofè bachè wörrè. Wells Kassler schu pöklét un gräucht isch, isch es voglychswys schnèll durrè. Hüfig wörd s zämmè mit Rüèbli, Chrutt, Sùùchrutt odder Salzhärdöpfel servyrt. Auch wörd s kaalt als Uffschnitt servyrt. Èbbèso wörd Kassler als Alternatyvè zum Chesselfleisch bi nèrè Schlachtblattè odder als Ekstragricht zämmè mit Bluèt- un Läbberwurscht bruucht.

Hèrchumpft

Aageblich isch Kassler è Erfindung von èm Bèrliner Metzger Cassel im 19. Johrhundert., dèm sini Eksischtenz in Bèrlin lòt sich abber nit belegè.

Logischer isch d Hérkumpft vom Kassler us Kassel z Nordhessè, wa sich abber au nit belegè lòt, obwoll im 19. Johrhundert z Bèrlin druff vowisè worrè isch.

Literadur

• Heinrich Keim: Nordhessen und sein Kassler, i dè: Hessische Heimat, Jg. 65, Heftle 2/3 2015, S. 48–53.

Weblinggs

 Commons: Kassler – Sammlig vo Multimediadateie

Einzelnõchwys

Dä Artikel basiert uff ere fräie Übersetzig vum Artikel „Kasseler“ vu de dütsche Wikipedia. E Liste vu de Autore un Versione isch do z finde.