Kathrin Bertschy

e Schwizer Politikeri

D Kathrin Bertschy (* 2. Juli 1979 z Thun, haimetberächtigt z Bärn un Düdinge) isch e Schwyzer Bolitikeri (glp).

d Kathrin Bertschy, Mai 2019

Uusbildig, Beruef un Familie ändere

D Bertschy isch z Oberhofen ufgwagse. Anne 1999 het si am Gymnasium Thun Schadau d Matura gmacht. Vu 1999 bis 2007 het si an dr Universitet Bärn Volkswirtschaft, Politology un Soziology studiert mit em Lizenziat (lic.rer.pol) abgschlosse. 2014/2015 het si derzue ne CAS in Wisseschaftsschurnalismus an dr „MAZ Die Schweizer Journalistenschule“ gmacht.[1]

Vu 2008 bis 2012 het si as Ökonomi bi Ecoplan gschafft, in dr Forschig un Berotig in Wirtschaft un Bolitik. Vu 2011 bis 2013 het si s NFP60– Projäkt „Berufseinstieg und Lohndiskriminierung“ glaitet[2] un vu 2012 bis 2014 het si as Dozänti un Assischtänti am Lehrstuel fir Sozialforschig vu dr Universitet Basel gschafft. Syter 2012 isch si Gschäftsfiereri vum Berotigsunternäme Bertschy & Stocker.[1]

Si läbt mit ire Familie z Bärn un het e Dochter.[3]

Privat spiilt si gärn Fuessball, si het bi dr Juniorne vum FC Rot-Schwarz Thun gspiilt un sytsi im Nazionalrot isch, spiilt si als im FC Nationalrat mit. Derzue spiilt si Gyyge im Sinfonieorchester Variaton.[1]

Bolitik ändere

D Bertschy isch anne 2008 Grindigsmitgliid vu dr Grienliberalie Bartei im Kanton un dr Stadt Bärn gsii. Vu Juni 2008 bis Novämber 2009 isch si Bresidänti vu dr glp Bärn gsii. Vum Jänner 2009 bis Dezämber 2011 isch si Mitgliid im Stadtrot (Legislativi) vu Bärn gsii. Dert het si si unter anderem erfolgrych derfir yygsetzt, ass fir Chinderdagestätte Bedreiigsguetschyy yygfiert wäre.[4][5]

Bi dr Schwyzer Barlemäntswahle 2011 isch si im Kanton Bärn in Nazionalrot gwehlt wore.[6] Dert isch si syter 2011 Mitgliid in dr Kummission fir Wirtschaft un Abgabe (WAK)[7] un het si u. a. in dr Agrarbolitik fir ökologischi Reforme vum Diräktzahligssischtem yygsetzt.[8] Am 3. Novämber 2012 isch si in di nei grindet Gschäftslaitig vu dr glp Schwyz gwehlt wore.[9] Syter 2015 isch si Mitgliid vu dr Grichtskummission un vu dr Kummission fir soziali Sicherhait un Gsundhait.[10] Si isch au as Sprächeri vu ire Frakzion fir gsellschaftsbolitischi Vorstess in Erschynig drätte („Eltereurlaub statt Mueterschaftsentschädigung“ un „Glychstellig vu allne Läbesgmainschafte“).

Am 19. Novämber 2014 isch si zäme mit dr Nazionalreti Maya Graf (Grieni BL) aistimmig zur Co-Bresidänti vum Frauedachverband alliance F gwehlt wore.[11][12] In däre Funkzion het si zäme mit dr Operation Libero di iberbarteili Kampagne «Helvetia ruft» iniziiert, wu meh Fraue in d Schwyzer Bolitik wett bringe.[13][14]

Anne 2016 isch d Bertschy aini vu dr Mitgrinderne vum Thinktank glp lab gsii[15], wu si as Schirmherri un Verainsbresidänti vorstoht[16].

Weblink ändere

  Commons: Kathrin Bertschy – Sammlig vo Multimediadateie

Fuessnote ändere

  1. 1,0 1,1 1,2 Biografie und Interessenbindungen – Kathrin Bertschy
  2. Dr. Michael Marti und Kathrin Bertschy: BELODIS ‐ Berufseinstieg und Lohndiskriminierung – neue Erklärungsansätze zu einer Schlüsselphase für geschlechtsspezifischeUngleichheiten, Ecoplan, Dezember 2013
  3. Marcel Odermatt: Nationalrätin Kathrin Bertschy ist Mutter. 16. Februar 2019, abgruefen am 16. September 2019.
  4. Andrea Sommer: Kitas sollen bald um Kinder kämpfen, Berner Zeitung, 1. Septämber 2010
  5. Anita Bachmann: Zur rechten Zeit in richtiger Partei, Der Bund, 25. Oktober2011
  6. bernerzeitung.ch: Die Grünliberale auf der Überholspur, 25. Oktober 2011
  7. Kathrin Bertschy uf parlament.ch
  8. tagesanzeiger.ch Der Shootingstar der Grünliberalen. Tagesanzeiger 30. Septämber 2012
  9. Die Grünliberale verbreitern die Parteispitze. news.ch, 3. Novämber 2012
  10. Kommissionen für soziale Sicherheit und Gesundheit SGK uf parlament.ch
  11. Präsidium uf alliancef.ch
  12. «Wir müssen neue Töne anschlagen». Der Bund, 19. Novämber 2014
  13. Isabel Pfaff: Ruf der Helvetia[, Süddeutsche Zeitung, 15. Juli 2019
  14. helvetia-ruft.ch
  15. «Die Grünliberalen melden sich zurück – mit progressiven Ideen aus eigener Denkfabrik», watson.ch, 22. Merz 2017
  16. Websyte vum glp lab.