Maya Graf
D Maya Graf (* 28. Februar 1962 z Sissech) isch e Schwiizer Politikere. 2012 bis 2013 isch si d Presidäntin vom Nazionalroot gsi.
.jpg)
s Läbe
ändereD Maya Graf ist d Dochter vom Fritz Graf. Si het z Sissech d Handelsmiddelschuel bsuecht und a dr Fachhochschuel vo dr Nordweschtschwiiz Sozialarbet studiert. Si isch diplomierti Sozialarbeiterin und het vo 1991 bis 1993 i dr Leitig vom Durchgangsheim für Asilante z Prattele und spöter bi dr Berootig für Behinderti z Lieschtel gschaffet.
Sid ane 2002 tuet si zäme mit ihrem Brueder uf em eigete Hoof puure. Es isch e Bio-Puurebetriib. D Graf isch ghüroote.
Politik
ändereD Maya Graf isch vo 1995 bis 2001 Baselbieter Landröötin gsi. Si ghört zu de Grüene. Ane 2001 het se s Baselbieter Stimmvolch i Nazionalroot gwählt. Vo 2009 bis 2010 het si di Grüeni Frakzioon vo dr Bundesversamlig gleitet und 2012 het me se mit 173 Stimme (vo 183) als Nazionalrootspresidäntin gwählt.
Es wichtigs Zyl isch dr Graf, ass d Landwirtschaft ohni Gentechnik sell uschoo.
2003 isch si im Film «Mais im Bundeshuus» ufträtte.
Ane 2014 isch si, zäme mit dr Grüenliberale Kathrin Bertschy, is Presidium vom Fraueverband alliance F gwählt worde.