Chraftwärch Chlingnau

es Wasserchraftwärch a de Aare
s Chraftwärch

S Chraftwärch Chlingnau isch es Wasserchraftwärch a dr Aare.

Ane 1929 isch d Aarewerke AG ggründet worde, wo dr Sitz z Brugg gha het. Die Firma het am 2. Novämber 1929 d Konzessioon übercho zum an dr Aare underhalb vo dr Stadt Chlingnau vis-à-vis vo Gippige es Chraftwärch z boue. Das Wärch isch vo 1931 bis 1935 entstande. Me het d Aare uf e Lengi vo öppe 5 Kilometer ufgschtaut. Vorheer isch dr Fluss i dere Landschaft vo Döttige bis zur Felsenau dur nes wyts, flachs Gebiet mit Schachewälder und Chiisinsle gloffe. Mit Sytedämm isch e küschtleche See pildet worde, de Stausee vo Chlingnau, wo bim Chraftwärch es Gfäll vo 6,6 Meter vom See bis zum Underwasser abe het. Do cha me mid em Wasser vo dr Aare vil Stroom mache. S Maschinehuus vom Chraftwärch stoot kweer zum Fluss am Ändi vom Stausee. Es het drei Maschinegrubbe mit Turbine und Generatoore din.

Hüt ghöört s Wärch dr Firma Aarekraftwerk Klignau AG, und d Psitzer vo dem Undernääme sind sid 2012 d AEW Energii AG und d Axpo Power AG.[1]

WeblinkBearbeite

  Commons: Kraftwerk Klingnau – Sammlig vo Multimediadateie

FuessnooteBearbeite

  1. Das Kraftwerk Klingnau geht an das Konsortium AXPO/ AEW Energie AG (Memento vom 4. März 2020 im Internet Archive) Mediemitteilig uf ag.ch vom 23. Augschte 2012