D Lende vo Lenn (au Linner Linde) isch en alti Winterlende (Tilia cordata), wo am Ortsiigang vo Lenn stoht. Si ligt, sit de Fusionierig vo Linn mit de Gmeinde Gallecherch, Under- und Oberbözberg, uf em Gmeindsbann vo Bözbrg im Kanton Aargau in de Schwiz.

d Lende vo Lenn
au im Wappe vo Lenn isch d Lende

BeschriibigBearbeite

S Alter vom Baum isch nöd klar. Nach ere Legende isch er im 1668[1] vom letzschte überläbende Lenner uf em Grab vo de Iiwohner vom Dorf pflanzt worde, wo an de Pescht gschtorbe si. Aber de Baum het e Stammumfang vo 11 Meter, isch also vermuetlich dütlich älter. Mit dem Stammumfang isch d Lenner Lende de mächtigscht Baum im Aargou, und er het e Höchi vo öppe 25 Meter.

VariaBearbeite

D Lende vo Lenn isch i de dritte und vierte Folg vo de föifte Staffle en Schauplatz vom Schwizer Krimi «Der Bestatter». För de Film hät me äxtra s Gitter ewäg gno, eso dass de Totegräber Luc Conrad (gspillt vom Mike Müller) i di hohli Lende ine goh chan.[2]

LiteraturBearbeite

  • Mitteilungen der Aargauischen Naturforschenden Gesellschaft, XXII. Heft, Aarau 1945
  • Kurt Derungs: Baumzauber. Die 22 Kultbäume der Schweiz. Amalia. 2008. 192 Site. ISBN 978-3-905581-27-0

WeblinkBearbeite

  Commons: Lende vo Lenn – Sammlig vo Multimediadateie

EinzelnochwiisBearbeite

  1. Die Linner Linde, Freund der Menschen uf nvsc-boezberg.ch
  2. «Der Bestatter»: Bei der Linner Linde kommt es zum grossen Showdown Artikel i de Aargauer Zitig vom 4. Jänner 2017

Koordinaten: 47° 28′ 15″ N, 8° 8′ 0″ O; CH1903: 652373 / 258016