Luca Aerni

Luca Aerni
Nation	Schweiz Schwiz
Geburtstag	27. Merz 1993
Geburtsort	Châtel-Saint-Denis
Größi	176 cm
Gwicht	77 kg
Karriere
Disziplin	Slalom, Riiseslalom, Kombination
Verein	CS Les Barzettes
Status	aktiv
Medallienspiegel
Olympischi Spiil 1 × 0 × 0 × Weltmeisterschafte 1 × 0 × 0 × Juniore-WM 0 × 3 × 1 ×
Olympischi Spiil Gold Pyeongchang 2018 Mannschaft Alpini Ski-WM Gold St. Moritz 2017 Alpini Kombination Alpini Ski-JWM Bronze Roccaraso 2012 Mannschaft Silber Québec 2013 Mannschaft Silber Jasná 2014 Slalom Silber Jasná 2014 Mannschaft
Platzierige im alpine Skiwältcup
Debüt im Wältcup 1. Jänner 2013  Gsamtwältcup 25. (2017/18)  Riiseslalomwältcup 36. (2017/18)  Slalomwältcup 7. (2017/18)  Kombinationswältcup 15. (2016/17)
Podiumsplatzierige 1. 2. 3.  Slalom 0 1 0
letschti Änderig: 28. März 2022

Dr Luca Aerni (* 27. Merz 1993 z Châtel-Saint-Denis) isch e Schwyzer Skirännfahrer. Är ghert em A-Kader vu Swiss-Ski aa, sy sterkschti Disziplin isch dr Slalom. Dr grescht Erfolg het er 2017 mit em Wältmaischtertitel in dr Kombination gfyyrt.

Biografy

Dr Aerni stammt vu Grosshöchstette im Kanton Bärn, het aber e große Dal vu syre Juged z Crans-Montana im Kanton Wallis verbrocht. Ab Novämber 2008 het er im Alter vu 15 Johr bi nationale Junioreränne mitgmacht, ab Jänner 2009 au bi FIS-Ränne. Wun em im Jänner 2011 dr erscht Siig in eme FIS-Ränne glungen isch, isch er au im Europacup yygsetzt wore. Bi dr Juniore-WM 2012 z Roccaraso het er d Bronzemedallie im Mannschaftswettbewärb gwunne. Ändi Saison 2011/12 het er dr Schwyzer Maischtertitel in dr Super-Kombination gwunne.

Aafangs Saison 2012/13 het si dr Aerni im Europacup chenne etabliere un het mehreri Top-10-Blatzierige ghaa. Är isch derno fir dr City-Event-Parallelslalom an Neijohr 2013 z Minche nominiert wore, är het doderby dr Quoteblatz vum verletzte Beat Feuz ibernuu. Drotz ass er scho im Achtelfinal uusgschiden isch, het er syni erschte Wältcup-Pinkt iberchuu. Zwee Däg speter, am 3. Jänner 2013, het dr Aerni zum erschte Mol e Europacupränne fir si entschide. Bi dr Juniore-WM 2013 het er d Silbermedallie im Mannschaftswettbewärb gwunne un isch Vierte im Slalom wore. Bim Slalom vu Bormio am 6. Jänner 2014 het er im zweete Lauf vum 27. uf dr 10. Schlussrang firschigstoße un het eso syni erscht Top-10-Klassierig ime Wältcupränne realisiert. 18 Däg speter het er sy bishär bescht Wältcupergebnis mit Blatz 5 im Slalom vu Kitzbühel ghaa. Bi dr Juniore-WM 2014 het er nomol zwoo Silbermedallie gwunne (Mannschaftswettbewärb un Slalom). Am Änd isch er mit em Schwyzer Team bim Saisonfinal z Lenzerheide am 14. Merz 2014 vor dr USA un Eschtrych siigrych gsii.

In dr Saison 2014/15 het si dr Aerni nume aimol in dr Top 10 vun eme Wältcupränne chenne klassiere. Änhlig isch fir ihn au d Saison 2015/16 glofe: aimol e fimfte Blatz im Slalom vu Madonna di Campiglio am 22. Dezämber 2015. Au d Saison 2016/17 isch aafangs nich em glyche Muschter verlofe mit drei Top-10-Blatzierige un vier Uusfäll. Dur e sibte Blatz in dr Kombination vu Santa Caterina am 29. Dezämber 2016 het er si au in däre Disziplin e Startblatz fir d Wältmaischterschaft 2017 z St. Moritz gsicheret. Dert het er vu dr Trainer dr Vorzug gegeniber em Lauberhorn-Kombinationssiiger Niels Hintermann iberchuu un isch in dr Kombinationsabfahrt uf dr 30. Blatz gfahre, doderdur isch er im Slalom as Erschte aadrätte. Mit ere dytlige Beschtzyt het er alli anderi no ihm Gstartete hinter si gloo un het mit aire Hundertschtelsekund Vorsprung uf dr Marcel Hirscher d Goldmedallie gwunne.

An de Olympische Winterspiil 2018 isch dr Aerni im Slalom usgschide. Er het denn no Gold mit em Schwiizer Team gwunne, au wenn er als Ersatzfahrer gar nit ygsetzt worden isch.

Erfolg

Olympischi Spiil

• Pyeongchang 2018: 1. Mannschaftswettbewärb, 11. Alpini Kombination, 19. Riiseslalom
• Peking 2022: 14. Slalom

Wältmaischterschafte

• St. Moritz 2017: 1. Alpini Kombination, 4. Mannschaftswettbewärb, 19. Slalom
• Åre 2019: 8. Alpini Kombination

Wältcup

• 20 Platzierige unter dr beschte zeh, devoo 1 Podestplatz
• 1 Sieg bi nem Mannschaftswettbewärb

Wältcupwertig

Saison	Gsamt		Riiseslalom		Slalom		Kombination
	Platz	Punkte	Platz	Punkte	Platz	Punkte	Platz	Punkte
2012/13	94.	37	–	–	36.	37	–	–
2013/14	65.	90	–	–	21.	90	–	–
2014/15	92.	50	–	–	27.	50	–	–
2015/16	87.	75	–	–	29.	75	–	–
2016/17	46.	176	–	–	15.	140	15.	36
2017/18	25.	333	36.	28	7.	305	–	–
2018/19	77.	77	–	–	30.	63	31.	14
2019/20	96.	56	–	–	50.	18	17.	38
2020/21	46.	197	–	–	14.	197	–	–
2021/22	64.	125	–	–	24.	125	–	–

Europacup

• Saison 2012/13: 4. Slalomwärtig
• Saison 2019/20: 7. Kombinationswärtig
• Saison 2020/21: 3. Kombinationswärtig
• 6 Podeschtblätz, dervu 1 Siig:

Datum	Ort	Land	Disziplin
3. Januar 2013	Chamonix	Frankrych	Slalom

Juniorewältmaischterschafte

• Crans-Montana 2011: 36. Slalom
• Roccaraso 2012: 3. Mannschaftswettbewärb, 12. Slalom, 23. Abfahrt
• Québec 2013: 2. Mannschaftswettbewärb, 4. Slalom, 10. Abfahrt
• Jasná 2014: 2. Slalom, 2. Mannschaftswettbewärb, 5. Riiseslalom

Anderi Erfolg

• 2 Schwyzer Maischtertitel (Super-Kombination 2012, Slalom 2015 und 2017, Kombination 2017)
• 6 Siig bi FIS-Ränne

Weblink

• Luca Aerni in dr Datebank vum Internationale Skiverband FIS (änglisch)
• Luca Aerni bei Ski-db (englisch)

Fueßnote

Dä Artikel basiert uff ere fräie Übersetzig vu dere Version vum Artikel „Luca_Aerni“ vu de dütsche Wikipedia. E Liste vu de Autore un Versione isch do z finde.