Manuela Biedermann

D Manuela Biedermann (* 1965 z Biel/Bienne) isch e Schwyzer Schauspiileri.

d Manuela Biedermann

Lääbe

Noch em Wiirtschaftsgimnasium z Biel het d Biedermann vu 1986 bis 1989 s „Dramatisch Studio“ z Bärn un z Burdlef unter dr Laitig vu dr Eva Klar-Kerbler absolviert. Chuurz no Abschluss vu ire Schauspiiluusbildig het si ire eerscht Engaschmänt am Théâtre pour enfants de Lausanne (TPEL) z Lausanne ghaa, wu si anne 1989 in dr Produkzioon Les poupées magiciennes unter dr Regy vum Fulvio d Roll vu dr Pauline gspiilt het. In dr Joor 1991 un 1992 het si Engaschmänt in dr freie Theaterszeene in dr Schwyz ghaa, zem Byschpel am Theater Arte z Basel. In dr Spiilzyt 1992/93 het si am Theater am Turm z Frankfurt am Main d Roll vu dr „Sii“ in s Marguerite Duras Die Krankheit Tod gspiilt.

Vu 1993 bis 1996 het si ne fescht Engaschmänt am Stadttheater St. Galle ghaa. Deert hän u. a. d Titelroll in Fräulein Julie (1993), d Lucille in Der Bürger als Edelmann (1993), d Recha in Nathan der Weise (1994) un d Cheenigi Elisabeth in Richard III. zue ire Biinerolle gheert.

1996/1997 het si as Maria im Musical Linie 1 am Stadttheater St. Galle gaschtiert. 1997 het si am Stadttheater Lozärn derzue d Rolle Fee/Hexe in ere Produkzioon vu Der Zauberer von Oz ibernuu. Anne 1998 het si im Sadttheater Bärn unter dr Reschy vum Gerd Heinz as Grisette Rosalie in ere Inszenierig vu Dantons Tod gaschtiert. In speetere Joor het si au wider bi freie Theaterprodukzioone mitgwiirkt.

Syt Mitti vu dr 1980er Joor het d Biedermann all Ritt au in Film- un Fäärnseeprodukzioone mitgmacht.Fir s Kino het si mit Reschiseer wie Christof Schertenleib, Jacob Berger, Lutz Konermann, Dennis Ledergerber, Philipp Stölzl (im Hischtoriefilm Der Medicus, as elteri Huer), Peter Greenaway (in Walking to Paris) un Andreas Arnstedt (as Bundeschanzleri Angela Merkel in dr Kumeedi Das schaffen wir schon) zämegschafft. Im franzeesische Fäärnseefilm Les Malgré-Elles (2013) het si d Roll vu dr Mme. Spenger gspiilt, d Diräkteri vun eme franzeesische Lebensborn-Haim. Im April 2018 het mer d Biedermann in dr dytsche Fäärnseeserine WaPo Bodensee in ere Episoderoll as Kliniklaiteri un Stiefmueter Ilse von Lohe chenne sääne.

D Biedermann het as Schauspiileri in dr Schwyz, z Dytschland un z Frankryych gschafft. Si schafft derzu au as Synchronsprächeri un professionälli Sprächeri fir Heerspiil, Heerbiecher un Wäärbig. Si isch u. a. d Stimme vu dr Combox vu Swisscom. Si isch Mitgliid im Schwyzerische Biinechinschtler- un Biinechinschtlerneverband.

Si läbt im Kanton Bärn.

Filmografy (Uuswaal)

• 1996: Fascht e Familie (Sitcom)
• 1999: Große Gefühle (Kinofilm)
• 2000: Spuren im Eis – Eine Frau sucht die Wahrheit (Fäärnseefilm)
• 2000: Tatort: Chaos (Fäärnseeseerine)
• 2000: Lüthi und Blanc (Fäärnseeseerine)
• 2002: Liebe deinen Vater (Aime ton père) (Kinofilm)
• 2003: Alice im Junkieland (Kurzfilm)
• 2006: Schönes Wochenende (Fäärnseefilm)
• 2009: Der Fürsorger (Kinofilm)
• 2012: Un village français (Fäärnseeseerine)
• 2013: Les Malgrés-Elles (Fäärnseefilm)
• 2013: Himmelfahrtskommando (Kinofilm)
• 2013: Der Medicus (Kinofilm)
• 2013: Achtung, fertig, WK! (Kinofilm)
• 2014: Unser Kind (Fäärnseefilm)
• 2016: Alles renkt sich wieder ein (Chuurzfilm)
• 2016: La Femme et le TGV (Chuurzfilm)
• 2017: Sarah joue un loup garou
• 2017: Das schaffen wir schon
• 2018: WaPo Bodensee (Fäärnseeseerine, Folge Schneewittchen)
• 2020: Wilder (Krimiseerine, zwooti Stapfle)

Weblink

 Commons: Manuela Biedermann – Sammlig vo Multimediadateie

• di offiziälli Websiyte
• Manuela Biedermann in dr Internet Movie Database
• Manuela Biedermann bi filmportal.de
• Manuela Biedermann bi swissfilms.ch
• Manuela Biedermann – Vita; Agentur Felix Bloch Erben
• Manuela Biedermann – Profil bi Filmmakers
• Manuela Biedermann – Vita un Rolleverzaichnis

Fueßnote

Dä Artikel basiert uff ere fräie Übersetzig vu dere Version vum Artikel „Manuela_Biedermann“ vu de dütsche Wikipedia. E Liste vu de Autore un Versione isch do z finde.