Marguerite Frick-Cramer
D Marguerite «Meggy»[1] Frick-Cramer (* 28. Dezämber 1887 z Gämf as Renée-Marguerite Cramer; † 22. Oktober 1963 z Gämf; e Bürgere vo Gämf und spööter vo Sennwald) isch e Schwizer Juristin, Historikere und humanitääri Aktivistin gsi, wo andere Fraue in dr Äidgenosseschaft in e Hufe Hiisichte dr Wääg geebnet het:
1910 isch si die dritti Frau gsi, wo d Lizänz übberchoo het, zum as Rächtsaawalt z schaffe. 1917 isch si noch drei Joor in hooche Posizioone bim Internazionaale Komitee vom Roote Chrüz (IKRK) as ersti Frau e Delegierti vo dr Organisazioon worde und 1918 s erste wiiblige Mitgliid im Läitigsgremium. Zur gliiche Zit isch si die ersti Historikere in dr Schwiz gsi, won e Verdrätigsprofessuur überchoo het. D Frick-Cramer isch au e Pionierin für d Gliichstellig vo de Gschlächter in dr Fortentwigglig vom humanitaäre Völkerrächt gsi, vor allem wil si 1929 as ersti Frau Co-Autorin von ere Gämfer Konvenzioon worde isch.
Wääred dr nazionaalsozialistische Terrorherrschaft in Dütschland und bsundrigs wääred em Zwäite Wältchrieg isch d Frick-Cramer as Expärtin für internierti Ziviliste zu äinere vo de wichdigste Stimme worde, wo sich innerhalb vo dr IKRK-Füerig für en entschiideni Haltig gegenüber em NS-Reschiim und schliesslig für en öffentlige Brotest gege däm sim Süsteem vo de Konzentrazioons- und Vernichdigslaager iigsetzt häi – allerdings ooni Erfolg.[2][3]
Liddratuur
ändere- Jean-Claude Favez: Une mission impossible? Le CICR, les déportations et les camps de concentration nazis. Payot, Losann 1996.
- Diego Fiscalini: Des Elites au service d'une cause humanitaire: le Comité International de la Croix-Rouge. Lizentiat. Gämf 1985.
- Irène Herrmann: Die brillante Unbekannte: die Genferin Marguerite Frick-Cramer hat ihr Leben den humanitären Organisationen gewidmet. In: NZZ Geschichte, Nr. 6 (Juli 2016), S. 43–55.
- Martine Piguet: Marguerite Frick-Cramer. In: Historisches Lexikon vo dr Schwiiz. 19. Juli 2005.
Weblingg
ändere
Commons: Marguerite Frick-Cramer – Sammlig vo Multimediadateie- Marguerite Frick-Cramer i de Datebank Dodis vo de Diplomatische Dokument vo de Schwiiz
- Publikatione vo und über Marguerite Frick-Cramer im Katalog Helveticat vo dr Schwiizerische Nationalbibliothek
- Briefwäggsel zwüschen em Carl Jacob Burckhardt und dr Marguerite Frick-Cramer, 1935–1949, us em Buurged sim Noochlass in dr Uniwersidäätsbibliothek Baasel
Fuessnoote
ändere- ↑ "Briefwechsel zwischen Carl Jacob Burckhardt und Marguerite Frick-Cramer. In: Swisscovery. Abgruefen am 6. September 2021 (änglisch).
- ↑ Jean-Claude Favez: Das Internationale Rote Kreuz und das Dritte Reich. War der Holocaust aufzuhalten? Verlag Neue Zürcher Zeitung, Zürich 1989, ISBN 3-85823-196-7,
- ↑ Gerald Steinacher: Humanitarians at War. The Red Cross in the Shadow of the Holocaust. Oxford University Press, Oxford 2017, ISBN 978-0-19-870493-5, S. 39, 44, 47, 171 (englisch).