Marie Tussaud
D Marie Tussaud (* Dezämber 1761[1] (noch underschidlige Kwelle am 1., 7. oder 12. Dezämber) z Stroossburg as (Anna) Maria Grosholtz; † 16. April 1850 z London) isch e elsässischi Waggsbildnere gsi und d Gründerin vom Museum Madame Tussauds z London.
.jpg)
Lääbe ändere
D Marie Grosholtz isch z Bärn ufgwaggse, wo iiri Mueter bim Dr. Philippe Curtius (1741–1794) Huusmäitli gsi isch. Dr Curtius het in Waggs modelliert, under anderem au erotischi Miniatuure. Dr Louis François de Bourbon-Conti, e Gusää vom Louis XV. het en uf Bariis iiglaage und iim e Woonig an dr vornääme Rue Saint-Honoré verschafft.[2] Dört het dr Curtius e Waggsfiguurekabinett afo zämmestelle. Er het dr Marie s Modelliere biibrocht, und wo si sibzääni gsi isch, het si iir ersts lääbensgroosses Modäll gmacht, äins vom Voltaire. Anderi berüemti Ufkläärer, wie dr Jean-Jacques Rousseau und dr Benjamin Franklin häi sich au lo bordretiere.[2]
Noch dr Revoluzioon het sich iir Kundekräis gänderet, und si het Dootemaske vo brominänte Opfer vo dr Guillotine für s Revoluzioonsmuseum afo mache, drunder vom Köönig Louis XVI., vo sinere Frau Marie Antoinette aber au vo Revoluzzer wie vom Georges Danton und vom Maximilien de Robespierre. 1795 het si dr Ääscheniöör François Tussaud († 1848) ghürootet. Si häi zwäi Buebe gha[3] aber scho im Joor 1800 het si sich vo iirem alkoholistische Maa drennt und nüün Joor spööter het si sich lo schäide.
Si isch 1802 uf Ängland und het denn wäge dr Kontinentalsperri nüm zrugg chönne und isch au bliibe, wo dr Chrieg ume gsi isch. 1835 het si an dr Baker Street z London en äignigs Museum ufdoo. Wo si 81 gsi isch, het si iiri letschti Waggsfiguur gmacht und denn s Museum iire Söön überloo.
Autobiografii ändere
- Marie Tussaud: Madame Tussaud’s memoirs and reminiscences of France, Hrg. F. Hervé, London 1838.
Litratuur ändere
- Dorrit Willumsen: Marie. Ein Roman über das Leben der Madame Tussaud, Hinstorff Verlag, Rostock 1987, ISBN 3-356-00069-1
- Alex Capus: Himmelsstürmer: Zwölf Portraits, Biographien verschiedener Personen, u. a. Marie Grosholtz alias Madame Tussaud, Albrecht Knaus Verlag, München 2008, ISBN 978-3-8135-0314-2
- Sabine Weiß: Die Wachsmalerin: Das Leben der Madame Tussaud. List, Berlin 2008, ISBN 978-3-548-60845-7
- Sabine Weiß: Das Kabinett der Wachsmalerin: Der Madame-Tussaud-Roman. List, Berlin 2010, ISBN 978-3-548-60977-5
Fuessnoote ändere
- ↑ Geburtsurkunde im Archiv vo dr Stadt Stroossburg
- ↑ 2,0 2,1 Capus, op. cit., 2008
- ↑ Claudia Lanfranconi, Antonia Meiners: Kluge Geschäftsfrauen. Elisabeth Sandmann Verlag, München 2010. ISBN 978-3-938045-22-0
Weblingg ändere
Commons: Marie Tussaud – Sammlig vo Multimediadateie- Christian Baertschi: Tussaud, Marie. In: Historisches Lexikon vo dr Schwiiz.
- Marie Tussaud. In: FemBio. Frauen-Biographieforschung (mit Literaturaagaben un Zitat).
- Die Geschichte von Madame Tussaud. Wachs in ihrer Hand von Birgit Weidinger, Süddeutsche Zeitung, 16. November 2007
|
Dä Artikel basiert uff ere fräie Übersetzig vum Artikel „Marie_Tussaud“ vu de dütsche Wikipedia. E Liste vu de Autore un Versione isch do z finde. |