Marion Gentges
| Dialäkt: Undermarkgreflerisch |
D Marion Gentges (* 23. Augschte 1971 z Haasle) isch e dytschi Bolitikeri (CDU) un syt 2016 Mitglid vum Landdag vu Bade-Wirttebärg.
Lääbe
ändereD Gentges isch z Welscheschdaine ufgwachse. Anne 1991 het si Abitur am Robert-Gerwig-Gimnasium z Huuse gmacht. Vu 1991 bis 1996 het si an dr Universitet Fryburg Jura studiert. Anne 1996 het si s erscht Staatsexame gmacht un derno vu 1996 bis 1998 s Referändariat am Landgricht Offeburg mit Wahlstatione z Marburg un z Brüssel bi dr EVP-Fraktion im Biro vum Karl von Wogau. Ab 1999 het si z Hesse as Rächtsaawälti gschafft un syt 2004 isch si sälbschtständig mit ere aigene Kanzlei z Zäll, spezialisiert uf Arbetsrächt.
D Gentges isch ghyrote un het e Doochter.
Bolitik
ändereD Gentges isch anne 1990 in di Jung Union yydrätte, 1991 in d CDU im Ortsverband Schtaine-Welscheschtaine. Vu 1993 bis 1996 isch si Chraisvorsitzeri vu dr Junge Union Ortenau gsii. Syter 1993 isch si Mitglid im Chraisvorstand vu dr CDU Ortenau. 1996 bis 1997 isch si Mitglid im Dytschlandroot vu dr Junge Union Dytschland gsii, 1997 bis 2000 Mitglid im Landesvorstand vu dr Junge Union Bade-Wirttebärg un 2001 bis 2006 Vorsitzeri vum Landesschidsgricht vu dr Junge Union Bade-Wirttebärg.
Bi dr Landdagswahl 2016 isch si iber e Zwaitmandat im Wahlchrais Lohr in Landag gwehlt wore. Im Landdag isch si Mitglid im Ständigen Uusschuss, im Uusschuss fir Wisseschaft, Forschig un Chunscht, im Barlemäntarische Kontrollgremium, im Oberrhyroot, im Untersuechigsuusschuss „Rechtsterrorismus/NSU BW II“ un im Untersuechigsuusschuss „Zulagen Ludwigsburg“. Stellverdrättend Mitglid isch si im Uusschuss fir Europa un Internationals, im Uusschuss fir Finanze, im Uusschuss fir Inners, Digitalisierig un Migration, im Uusschuss fir Ländlige Ruum un Verbruucherschutz, im Uusschuss fir Sozials un Integration, im Uusschuss fir Umwält, Klima un Energywirtschaft un im Petitionsuusschuss.
Sunschtig Engaschmänt
ändere- Mitglid im Byroot vu dr Kunststiftung Baden-Württemberg gGmbH
- Mitglid im Byroot vu dr TanzSzene BW e. V.
- Mitglid im Kuratorium vu dr Landeszentrale für politische Bildung Baden-Württemberg
- Vorsitzeri vum Arbeitskreis Wissenschaft, Forschung und Kunst