Martha Ringier
D Martha Ringier (* 22. Juni 1874 z Länzbrg, † 21. Jänner 1967 z Basel) isch en Aargauer Dichterin und Mundartschriftstellerin gsi.
Si isch d Dochter vom Rudolf Ringier und vo dr Wilhelmine Ringier-Bregenzer gsi.
Wo si scho als Chind Muetter und Vatter verloore het, isch si z Länzbrg bi dr Tante, dr Fanny Oschwald, ufgwachse. Das isch e bekanti Schriftstellerin gsi. Drno isch si uf Gämf und Weimar ggange zum sech no meh mit dr Literatur vertraut z mache. Wo si denn z Basel gwohnt het, het si e Zyt lang en Wonig em Hermann Hesse vermietet, und si isch lang em Schriftsteller Friedrich Glauser e gueti Fründin gsi, si het en uf verschideni Aarte immer wider understützt, au öppe dur d Vermiddlig vo sine Schrifte an Verlääg. Es git en länge Briefwächsel zwüsche dr Martha Ringier und em Glauser, wo me drin gseht, ass dr Kontakt vo de beide nid immer eifach gsi isch.
D Ringier isch z Basel näbe der Ida Frohnmeyer d Redaktoorin vo dr Zytschrift Die Garbe gsi, und si het au s Joorbuech Die Ernte und dr Schwiizerisch Dierschutzkaländer und d Reie Gute Schriften gleitet.
Si het i dr Mundart und au uf Hochdütsch tichtet und Gschichte für Chind und Erwachseni und Theaterstück gschribe.
Z Länzrbrg git’s d Martha-Ringier-Strooss.
Wärch
ändere- Härzchäber und Sorgechind, 1924)
- Der Gotte ihres Hölgelialbum, 1924
- Zwee faux pas. Theaterstück, 1925
- Nei, was isch au settigs!, Schwank, Aarau 1925
- E schweri Stund, Theaterstück, 1926
- mit em Marc Landolt: Eusi liebe Tierli. Es Värslibuech mit Helge, Zürich 1927
- Der Katzenraffael. Aus dem Leben des Katzenmalers Gottfried Mind. Suurländer, Aarau 1927
- Simba und andere Geschichten, 1941
- Der Sameli, 1942
- Der Weihnachtsabend, 1942
- Die Bittstellerinnen, 1942
- Odette erlebt Weihnachten, 1942
- Die tapfere Kadra, und ndere Tiergeschichten, SJW, 1946
- Teneko, der Samojede; der Bär, SJW, 1955
- Für dich und mich, 1959
Literatur
ändereMaya Widmer: Martha Ringier In: Historisches Lexikon vo dr Schwiiz.