Max Leu

Der Max Leu (* 26. Februar 1862 z Soledurn; † 4. Februar 1899 z Basel) isch e Schwiizer Bildhauer gsi.

s Buebebärgdänkmool z Bärn

Der Leu isch der Soon gsi vom Adam Leu vo Rohrbach. Er het z Basel der Pruef vom Bildhauer gleert und isch dört au id Zeichnigsschuel ggange. Sid 1881 isch er z Paris gsi, wonner bim Léopold Morice gschaffet und uf der Ecole des Beaux-Arts gsi isch. Bi Weppewärb, wonner mit eigete Wärch mitgmacht het, isch er mit Medalie uszeichnet worde.

I der Schwiiz het er der gröscht Erfolg gha, wo sin Entwurf für s Buebebärg-Dänkmool z Bärn agnoo worden isch und er das grosse Monumänt vo 1892 bis 1897 het chönne usfüere. Derno het er au d Zeichnige für s Hebeldänkmool z Basel gmacht, wo 1899 ygweiht worden isch, churz nachdämm der Max Leu gstorben isch.

Literatur

• Dieter Ulrich: Max Leu In: Historisches Lexikon vo dr Schwiiz.
• A. Keller: Die drei Kriegerstatuen Berns Berchtold V. von Zähringen, Rudolf von Erlach, Adrian von Bubenberg. 1900, S. 289–301.