Melinda Nadj Abonji

D Melinda Nadj Abonji (* 22. Juni 1968 z Bečej, SFR Jugoslawie, hite Serbie) isch e Schwyzer Schriftstelleri, Musikeri un Performeri.

d Melinda Nadj Abonji bin ere Läsig

Läbe

D Melinda Nadj Abonji het ihres Studium an dr Universität Zürich 1997 mit em Lizenziatsgrad abgschlosse. Si verfasst literarischi Text un het 2004 am Ingeborg-Bachmann-Wettbewärb z Klagenfurt teilgnoo. Si tritt au als Solo-Performeri uf und zämme mit em Rapper Jurczok 1001 als Musikeri (Gsang und Gyge). D Abonji läbt syt vil Johr z Züri.

D Melinda Nadj Abonji isch Mitglid vom Verband Autorinnen und Autoren der Schweiz. Si het u. a. die Uuszeichnige überchoo: 1998 d Kulturell Uuszeichnig vom Kanton Züri, 2000 e Ufenthaltsstipendium vom Literarische Colloquium Berlin, 2001 dr Hermann-Ganz-Priis, 2004 e Anerkennigsgab vo dr Stadt Züri, 2006 e Wärchbytrag vo dr Stiftig Pro Helvetia und e Grenzgänger-Stipendium vo dr Robert Bosch Stiftig.

2010 isch ihre Roman Tauben fliegen auf veröffentlicht worde, wo si vo dr Familie Kocsis brichtet, wo zue dr ungarische Minderheit im Norde vo Serbie ghört un uf Züri übersidlet. Dr Roman isch mit em Dütsche Buechpriis 2010 und mit em Schwyzer Buechpriis uuszeichnet worde.

Wärch

• Der Mann ohne Hals und Canal Grande. In: Renate Nagel, Regula Walser (Hrsg.): Sprung auf die Plattform. Nagel & Kimche, Zürich 1998, ISBN 3-312-00243-5.
• Mensch über Mensch, München 2001 (zämme mit em Per Traasdahl), ISBN 3-00-007673-5
• Im Schaufenster im Frühling, Zürich 2004, ISBN 3-250-60073-3
• Tauben fliegen auf, Salzburg 2010, ISBN 978-3-902497-78-9

Tonträger

• Voice beatbox violin (CD, 2006) (zämme mit em Jurczok 1001)

Weblink

• http://www.masterplanet.ch/
• http://bachmannpreis.orf.at/bachmannpreis/texte/stories/14495/ (Site cha nüme abgrüeft wärde; Suche im Webarchiv)[1] [2] Vorlage:Toter Link/bachmannpreis.orf.at

Fuessnote

Dä Artikel basiert uff ere fräie Übersetzig vum Artikel „Melinda_Nadj_Abonji“ vu de dütsche Wikipedia. E Liste vu de Autore un Versione isch do z finde.