Meret Matter

D Meret Matter (* 27. April 1965 z Bärn) isch e Schwyzer Theaterreschiseeri.

Leben

D Meret Matter isch e Doochter vum Bärner Mundart-Liedermacher un Jurischt Mani Matter un dr Leereri un Bolitikeri Joy Matter. No dr Schuel het si Schauspiil an dr Schauspiilschuel z Bärn gleert.

Ab 1987 het si as freii Schauspiileri gschafft, in verschiidene freie Gruppe z Bärn, z Baasel un z Züri. Anne 1989 het si zäme mit dr Grazia Pergoletti (Autoori un Schauspiileri), dr Ruth Schwegler un dr Renate Wünsch (Uusstattig) di frei Gruppe „Theater Club 111“ mitgrindet, wu zeerscht im «Tojo Theater» in dr alte Rytschuel z Bärn gspiilt het un ab 2003 im Schlachthuus Theater Bärn. D Matter het syterhär Stugg, Täxtkollasche un Seerine inszeniert, wu si zäme mit dr Grazia Pergoletti fir s Theater Club 111 verfasst het: 1991 d Science-Fiction-Seerine Spaceboard Galuga (wu si au sälber as Sängeri un Schauspiileri mitgwiirkt het), 1992 Wo sein Enden, 1993 Krimitheaterraie Hobbycop, 1996 Die Last des Goldes oder Der Bären Dreck, 1997 Schmöcksch z Trotti, 1998 Calimbo. Lou Sapphire’s Piratenrevue. D Matter fiert bi fascht allne Brodukzioone vum Theater Club 111 Reschy, dernääbe het si ab 2000 as Gaschtreschiseeri unter anderem am Lozärner Theater (2000 Frankenstein noch em Romaan vu dr Mary Shelley) un am Schauspiilhuus Züri (2001 Romeo und Julia auf dem Dorfe noch em Gottfried Keller as Kobrodukzioon mit em Théâtre Vidy-Lausanne, 2002 Der gute Mensch von Sezuan vum Bertolt Brecht, 2003 s Schillers Wilhelm Tell) inszeniert, derzue au am Schauspiel Hannover (2004 Die heilige Johanna der Schlachthöfe vum Bertolt Brecht, 2005 Mobil vum Sergi Belbel, 2007 Glaube Liebe Hoffnung vum Ödön von Horváth, 2008 Ein Sommernachtstraum vum William Shakespeare) un am Theater Fryyburg (2005: Pippi Langstrumpf no dr Astrid Lindgren, 2006 Madame Bovary noch em Gustave Flaubert, 2008 Kaltes Herz noch em Wilhelm Hauff, 2009 Popeye, e Theatercomic no Segar) inszeniert. Dernääbe schafft si in dr freie Szeene.

As Mitgrinderi vum a-capella-Koor Schwestern berühmter Blondinen isch d Matter in ire Theaterbrodukzioone un in Musikband wie Rabarbie vyylmool as Sängeri ufdrätte. Im Lauf vu dr Joor het si mit verschiidene Muusiker*ne zämegschafft, unter anderem mit Al Comet, Fredi Flückiger, Christoph Gantert, Mick Hobbs, Shirley Anne Hoffman, Jean-Jaques Pedretti, Leonid Soybelmann, Sibylle Aeberli, Mario Batkovic, Beat-Man, Resli Burri, Simon Dellsperger, Ted Gaier, Frank Gerber, Mich Gerber, King Pepe, Hans Platzgumer un Töbi Tobler.

D Meret Matter het zwai Chinder un läbt z Bärn un z Siidfrankryych.

Inszenierige

Club 111

1989–2000: Hysterie und Justine, InnenarbeiterInnen, Ich habe stets und viel zu tun, Wo sein Enden, Last des Goldes, Rascher Mond u. a.

Theaterserie

1992: Spaceboard Galuga, SF-Serie in 5 Teilen, Theaterhaus Gessnerallee Zürich
1993: Hobbycop, 3-teiliger Krimi, Gessnerallee Zürich, Kaserne Basel, eingeladen zum IMPULSE Festival
1998: Calimbo, Piratenrevue, Tojo Reitschule Bern, Stücktexte: Matter/Pergoletti.

Anderi Inszenierige

2000: Frankenstein, Mary Shelly, Lozärner Theater
2001: Romeo und Julia auf dem Dorfe, Gottfried Keller, Schauspiilhuus Züri, Theatre Vidy Lausanne, Tour
2001: Jude von Malta, Christopher Marlowe, Lozärner Theater
2001: Anarchie in Bayern, R.W. Fassbinder/Club 111, Schlachthuus Theater Bärn, Gaschtspiil: Gessnerallee Züri
2002: Der gute Mensch von Sezuan, Bertolt Brecht, Schauspiilhuus Züri
2002: Der diskrete Charme der Bourgeoisie, Luis Bunuel, Club 111 Schlachthuus Theater Bärn. Gaschtspiil: Schauspiilhuus Züri
2003: Was geschah, nachdem Nora ihren Mann verlassen hatte, Elfriede Jelinek, Lozärner Theater
2003: Wilhelm Tell, Friedrich Schiller, Schauspiilhuus Züri
2003: Bezahlt wird nicht, Dario Fo, Club 111 Schlachthuus Theater Bärn, Gaschtspiil: Schauspiilhuus Züri Schiffbau Box
2003: Knock out, Cirquen’flex / Tanz Kaserne Baasel / Bärner Danzdääg
2004: Wolf sein, Bettina Wegenast, Tournee Festival, Festival BLICKFELDER: Züri, Baasel, Lozärn
2004: Fackeln, Suzanne Zahnd, Dramenprozessor, Schlachthuus Theater Bärn, Kaserne Baasel, Theater Winkelwiese Züri
2004: Die heilige Johanna der Schlachthöfe, Bertolt Brecht, Schauspiil Hannover
2005: Mobil, Sergi Belbel (Deutsche Erstaufführung), Schauspiil Hannover
2005: Steile Wand, Cirquen’flex / Tanz Rote Fabrik Züri / Kaserne Baasel, Roxy Baasel, Dampfzentrale Bärn, Festival Harare Simbabwe
2005: Pippi Langstrumpf, Astrid Lindgren, Theater Fryburg
2005: Terrorismus, Oleg un Wladimir Presnjakow, Hochschuel vu dr Chinscht Bärn, Auawirleben-Festival
2005: Orpheus in der Unterwelt nach Cocteau, Ein Film-TheaterProjekt Club 111, Schlachthuus Theater Bärn, yyglaade vum Theater an der Winkelwiese Züri
2006: Madame Bovary, Gustave Flaubert, Theater Fryburg
2006: Elsi, die seltsame Magd, Jeremias Gotthelf, Bearbaitig: S. Grob, Schlachthuus Theater Bärn, Festival PERSPEKTIVEN EUROPA, Schauspiilhuus Hamburg 2007
2007: Glaube Liebe Hoffnung, Ödön von Horváth, Schauspiil Hannover
2007: Stadtdschungel, Musical vu Club 111, Matter/Pergoletti un Ensemble Festival BLICKFELDER: Züri, Baasel, Lozärn u. a.
2008: Sommernachtstraum, Shakespeare, Schauspiil Hannover
2008: Mutter und Kind sind wohlauf, O. Chiacchiari, Primadrama Vorstadttheater Baasel, Chliitheater Lozärn, Tuchlaube Aarau
2008: Kaltes Herz, Wilhelm Hauff, Theater Fryburg
2008: Finanzblätz CH, Live-Berichterstattung aus dem Herzen der Krise, Club 111, Schlachthuus Theater Bärn
2009: Popeye, Ein Theatercomic nach Segar, Theater Fryburg
2009: Darlings alive, Club 111, Schlachthuus Theater Bärn
2009/13: Popeye’s godda Blues, Ein Theatercomic Club 111 Schlachthuus Theater Bärn, Bade, St. Galle, Schaffuuse, Comic-Festival Lozärn, Theaterspektakel Züri, Usine Toulouse (F), Festival Le Faget (F)
2010: The making of … der Untergang der Vereinigten Staaten von Amerika, Oliver Schmaering, Theaterhuus Jena
2010: Mapiland, Kolypan: Hadorn/Nanez, Theaterspektakel Züri, Tour
2010: Die Unvollendeten, Sibylle Aeberli/Milena Moser, CH-Tournee
2010: Sex in Zeiten der Apokalypse, Club 111, Schlachthuus Theater Bärn
2010/12: Miss Monster, Superheldin/Action/Comic Roxy Theater Basel, Dampfzentrale Bärn, Fabriktheater Züri
2011: Stadtrandfahrt, E Bustour dur Bärn mit em Müslüm im Rame vum Festival «Wem gehört die Stadt», Schlachthuus Theater Bärn
2011: Herzverbrecher, Projekt vu dr Trois Suisses, CH-Tournee
2011: B-Movie, Schlachthuus Theater Bärn
2011: Popeye/Miss Monster, Comic-Double-Feature, Dampfzentrale Bärn
2011/12: Cüpliweg 10, Suzanne Zahnd, Ein Immobiliendrama in drei Teilen / Produktion von den Raucherinnen Zürich Plaza Züri, Progr Bärn, SUD Baasel
2012: Zum Glück, Club 111, Ein Musical zur Rettung der Welt, Schlachthuus Theater Bärn
2013: Wagner trifft Tell, Krneta/Haas, Seelisberg Festival
2013: Miis, Weltpolitik im Sandkasten, Kolypan Theaterspektakel Züri, CH-Tournee
2013: Die Odyssee für Kinder nach Homer, Fassung Urweider/Matter Schauspiilhuus Züri
2013: Wir Erben, Eine Schweizer Saga, Gerhard Meister / Suzanne Zahnd Theater Khuur / Schlachthuus Theater Bärn / Theater Tuchlaube Aarau
2014: Süperimmigrant, Soloshow vum Müslüm, Schlachthuus Theater Bärn

Musik

2000: Schrott und Perlen, mit dr Herwig Ursin un em Thomas U. Hostettler
2002: Day of the Dead, Arteplage mobil du jura, Expo 02
2003: Prinzässin, mit em Pierre Omer un em Denis Schuler uf Ohrewürm 4
2009: Limbo, mit em Pierre Omer uf Ohrewürm 5
2014: Das Allmachtsrohr, Musiktheater Adolf Wölfli

Stipändie

1993: Wäärchbyydraag vu dr Literatuurkummissioon vu dr Stadt Bärn
1995: Stipändium vum Kanton Bärn z New York fir segs Moonet
2009: Off Stage Stipändium

Literatur

Esther Ackermann: Meret Matter. In: Andreas Kotte (Hrsg.): Theaterlexikon der Schweiz. Band 2. Chronos, Zürich 2005, ISBN 3-0340-0715-9, S. 1024.

Weblink

d Meret Matter bim Club 111