Muriel Furrer
D Muriel Furrer (* 1. Juuli 2006; † 27. Septämber 2024 z Züri[1]) isch e Schwyzer Raadrännfaareri, Mountainbikeri un Raadqueerfaareri gsii.
Lääbe
ändereD Muriel Furrer isch vu Egg im Kanton Züri gstammt un isch fir dr VC Meilen an Start gange.[2] Si isch uf d United School of Sports z Züri gange.[3]
Si het as usserscht vyylsytigi un tächnisch versierti Faareri gulte.[2] Anne 2021 het si an dr Schwyzer Baanraadmaischterschaft z Aigle d U17-Trophy im Omnium gwunne.[4] 2023 un 2024 isch si baidi Mool Zwooti bi dr Junioorne an de Schwyzer Maischterschafte im Raadqueer woore. Mit em Mountainbike het si Bronze gwunne bi de Junioorne an de Schwyzer Maischterschafte 2024.
Bi de Mountainbike-Europamaischterschafte im Mai 2024 im rumäänische Cheile Grădiștei het si mit eme Schwyzer Team in dr Mixed-Cross-Country-Stapfle XCR Bronze gwunne, im Ainzel isch si Fimfti woore. Bi de Mountainbike-Wältmaischterschafte im Augschte/Septämber 2024 z Pal Arinsal, Andorra, isch si mit eme Abstand vu 6:41 Minute uf d Siigeri Viktória Chladoňová uf dr 29. Blatz chuu.[5]
Im Zytfaare an de Strooßeraadspoort-Wältmaischterschafte 2024 z Züri isch si 44. bi de Junioorne woore. Bim Strooßeränne vu de Junioorne zwee Dääg speeter, am 26. Septämber 2024, isch si in eme Waldstuck am Küsnachterbärg uf nasser Strooß bi staarkem Rääge gheit. Si het e schwäär Schäädel-Hiirni-Trauma erlitte un isch am Daag druf im Uniwersiteetsspitaal Züri im Alter vu 18 Joor gstoorbe.[6] D Muriel Furrer het nume weenig Kilemeeter vum Uufalloort gwoont un het d Strecki guet gchännt.[2][3]
Weblink
ändere
Commons: Muriel Furrer – Sammlig vo Multimediadateie- Vorlage:MTBdata
- d Muriel Furrer in dr Daatebank vu Procyclingstats
Fueßnote
ändere- ↑ Muriel Furrer. In: procyclingstats.com. 27. September 2024, abgruefen am 27. September 2024 (änglisch).
- ↑ 2,0 2,1 2,2 Sebastian Bräuer, Eva Breitenstein: Ein tragischer Tod, viele offene Fragen: Die Schweizerin Muriel Furrer stirbt nach ihrem Sturz an den Rad-WM. Neue Zürcher Zeitung, 27. Septämber 2024.
- ↑ 3,0 3,1 Carl Friedrichs: 18-jährige Radsportlerin Muriel Furrer stirbt nach schwerem Sturz. In: Die Zeit. 27. September 2024, abgruefen am 27. September 2024.
- ↑ Muriel Furrer gewinnt die U17-Trophy. Swiss Cycling, 8. Novämber 2021.
- ↑ Women Junior – Cross Country Olympic. UCI.
- ↑ Die Radsportwelt trauert um Muriel Furrer. In: UCI Road and Para-Cycling Road World Championships – Zürich 2024. UCI, 27. September 2024, abgruefen am 27. September 2024.
|
Dä Artikel basiert uff ere fräie Übersetzig vu dere Version vum Artikel „Muriel_Furrer“ vu de dütsche Wikipedia. E Liste vu de Autore un Versione isch do z finde. |