Museeumsisebaan

Dialäkt: Glarnertüütsch

E Museeumsisebaan isch e Isebaanschtreggi wu nümm im Regelbetriib schtaht. Meischtens sind s friiwilligi Hälfer wu d Geböi, d Gläis und s Rollmaterial instandhaltä. S Rollmaterial, das sind uusrangschierti Loggene und Wäge. Soo tued me em Publikum uffzäige, wie d Isebaan früecher uusgsee het. De bedüütendschti Betriiber vu Museumsisebaane im düütschsprachige Ruum isch dr Eurovapor. Er hät einigi diräggti Sekziuune, wu tüendt Museeumslinie betriibe. Es törfed aber au gwöndlichi Baanlinie mitbenützt wärdä, wänn e Faarbewilligung voorliit.

De Museumszug mit de P 8 vu de Sauschwänzlibaan im Baanhof vu Waize.

d Furkabaan

Es Manöver vu de Tenderdampfloggi G 3/3 1 Le Doubs bi de Museumsbahn Blonay–Chamby (BC).

Bekannti Streggene

z Dütschland

• Sauschwänzlibaan, e kurveriichi Streggi zwüsche Wizä und Blummbärg im Südschwarzwald
• Kandertalbaan (Chanderli), e Museumsbaan i der Nähi vo Basu

i de Schwiiz

• Museeumsbaan Blonay–Chamby (BC), 1968 als erschti Museeumsisebaan vu de Schwiz eröffnet worde
• Dampfbaan Furka-Bärgstreggi (DFB), e Nostalgiibaan zwüsche Realp und Oberwald uf de stillglaite Bärgstreggi vu de ehemalige Furka-Oberalp-Baan (FO), hüt Matterhorn Gotthard Bahn (MGB)
• Dampfbaan-Verain Züri Oberland (DVZO), e Dampfzügli zwüsche Bauma und Hiwiil im Züri Oberland
• Schinznacher Boumschueubaan (SchBB), e Fäudbahn uf emene Areal vo e re Boumschueu z Schinznach-Dorf

z Öschtrych

• «Rhibähnle», e Notsalgiizügli uf de Glais vo de Bahn vo dr Internationala Rhiregulierig, ab Luschtnou (A) oder uf Wunsch o ab Widnou (CH)

Luèg au

• Lischtè vo Museumsbaanè

Weblink

 Commons: Museeumsisebaane – Sammlig vo Multimediadateie

• Verband Dütsche Museums- und Touristikbahne
• Verband Östrichische Museums- und Touristikbahne
• Verband historischer Eisenbahnen Schweiz (HECH)