Nyderhof (Murg)
Nyderhof (uff Hochdütsch Niederhof) isch e Ortsdeil vo Murg im Landchreis Waldshüet. Es bstoht uss de drei Dörfer Nyderhof (Mitti), Zächewihl (Norde; Hochdütsch: Zechenwihl) und Diegeringe (Süde; Hochdütsch: Diegeringen) und litt zwüsche Oberhof im Norde und Murg im Süde.
Niederhof (Murg) Gmeind Murg (Hochrhy)
| |
|---|---|
 | |
| Dialekt: | Alemannisch |
| Hauptvariante: | Hochalemannisch |
| Flechi: | 3,38 km² |
| Iiwohner: | 1671 |
| Bevölkerigsdichti: | 494 Iiwohner/km² |
| Iigmeindig: | 1. Januar 1973 |
| Regierigsbezirk: | Fryburg |
| Landchreis: | Waldshüet |
| Poschtleitzahl: | 79730 |
| Vorwahl: | 07763 |
| Nummereschild: | WT |
| Dialäkt: Markgräflerisch (Lörrach) |
„Nyderhof“ wird 1281 zum erschte Mol erwähnt, de Ortsdeil Diegeringe 1303. Alli drei sin in de erschte alemannische Sydligsperiode entstande. Si hän zum Chloster vo Säckige ghört und sich im Umfäld vo sällem sine Dinghöf bildet. Zächewihl hät zum Dinghof Oberhof ghört und di beide andere Ört zum Dinghof Murg.
1806 sin di drei Gmeinde under em Name Nyderhof zu einere zämmegschlosse worre. Sälli Gmeind isch bis 1972 selbständig gsi, bevor si am 1. Januar 1973 uff Murg ygmeindet worre isch.
Bis in s 19. Johrhundert hät d'Bevölkerig hauptsächlig Landwirtschaft bedrybe. D'Industrialisierig hät in de Mitti vom 19. Johrhundert aber au d'Wäberei, Nagelschmyde und witeri Handwerk doher brocht.
D'L151 schließt Nyderhof im Norde an de Ortsdeil Oberhof a und im Süde an Murg. Im Oste git's zudem e Stroß uff Binzge (Laufeburg).
Am Südrand vu Nyderhof verlauft die nej - bloss eispurig - A98. S'Murgdal wird debi vu ere Brugg iberspanne, drno goht dr Stross öschtlig in e guet 400 Meter lange Tunnel. E Aschlussstell git's keini, wohl aber Zuefahrte fier Rettigsfahrzig, wil d'Murger Firwehr, wo z'Nyderhof keini hundert Meter vu dr Brugg un em Tunnel äwägg ihr Firwehrhüs het, uff dem Abschnitt fier d'Rettig zueständig isch.
S Wappe zeigt uff blauem Grund e Garbe und hinder derre e silbrige Räche und e silbrigi Sänse über Chrüz. Sälli Objäkt symbolisiere di friehner wichtigi Landwirtschaft.
Quelle
ändere
