Ostalemannisch

Dialäkt: Markgräflerisch (Ebringe)

Under Ostalemannisch fasst mer alli alemannische Dialekt zämme, wo de Plural vum Verb in allene dri Persone uf -et (oder au -ed, -ät, -at) bilde (abglaitet vu de 2. Person Plural middelhochdytsch -et un vu de 3. Person mhd. -ent noch em Schwund vum /n/), also mir/ihr/si machet, -ed. (Au im nördliche Westalemannisch gits en Einheitsplural, aber dert hen sich di 1. un di 3. Person Plural durgsetzt, und drum lutets dert mir/ihr/si mache.) De Einheitsplural vum Verb isch im Alemannisch im Spootmittelalter uufchuu un tritt in verschiidene dytsche Dialekt un au im Plattdütsche uf. Dert isch er aber vil elter, nämli scho gmain-nordseegermanisch, un lutet -et im Weste un -en im Oste, also umchehrt wie im Alemannische.

D Dialektgränze zum Westalemannisch verlauft östlich vum Schwarzwald und goht no fast gradlinig dur d Schwyz.

Bekannti ostalemannische Dialekt sin Schwäbisch, Züridytsch, d Ostschwyzer Dialekt und Luzärndytsch.

Lueg au Westalemannisch