Aoe
Aoa ['aoɐ̃] (offiziälla deidscha Schreibweis Owen) isch a Sdadd em Landgraes Esslenga en Bada-Wirddabärg. Se håd 3478 Aewohner (Stand: 31. Dezember 2022).
| Wappa | Deitschlandkart | |
|---|---|---|
|
| |
| Basisdata | ||
| Bundesland: | Bade-Wirttebärg | |
| Regierongsbezirk: | Stuegert | |
| Landkroes: | Esslenga | |
| Heh: | 391 m i. NHN | |
| Fläch: | 9,7 km² | |
| Eiwohner: |
3478 (31. Dez. 2022)[1] | |
| Bevelkerongsdicht: | 359 Eiwohner je km² | |
| Boschtloetzahl: | 73277 | |
| Vorwahl: | 07021 | |
| Kfz-Kennzoeche: | ES | |
| Gmoedsschlissel: | 08 1 16 054 | |
| Adress vo dr Gmoedsverwaltong: |
Rathausstraße 8 73277 Owen | |
| Webpräsenz: | ||
| Schuldes: | Verena Grötzinger | |
| Lag vo de Gmoed Owen em Landkroes Esslenga | ||
 | ||
| Dialäkt: Zentralschwäbisch |
Wäaga dor bsondora Aussbråch vom Ordsnāma gegenibor dor offiziälla Schreibweis wird "Owen" enzwischa em Duden exdra erweend. D Aehaemische weered sich gega d falscha Aussbråch mid demm Värsle: "Auen für die Schlauen, Owen für die Doofen".
Geografi ändere
Aoa leid em Daal vo dor Laudor ondor dor Burg Teck, em middlora Vorland vo dor Schwäbischa Alb. Nochbergmaendena send Deddenga em Norda, Bissenga em Oschda, Lennenga ond Weiler em Siida ond Beira em Wäschda (älle em Landgraes Esslenge). Dor Bärg vo dor Burg Teck ond dor Hohabol dorvor send Vulkankegl vom vorloschena Schwäbischa Vulkan.
D Gmarkong sezzd sich zsẽma aus 25,8 % Landwirdschafdsfleche, 8,6 % Wald, 6,3 % Sidlongsfleche ond 0,4 % sonsdichor Fleche.[2]
Gmaendegliderong ändere
Zo Aoa ghaerd d Sdadd Aoa ond d Burg Teck.
Gschicht ändere
Aoa wird zom aerschdamål gnennd em Jår 1261 enn-ra Urkond vom Klosder Salem am Bodasee. Em 13. ond 14. Jårhondord håd Aoa onder de Härzeg von dor Teck a Bliadezeid gheed, abor am End hend-se wäaga ire Schulda 1385 d Sdadd an d Wirddabärgor vorkaofa miasa. Em Jår 1525, em Baurakriag, isch d Burg Teck nondorbrennd wårda ond isch seiddem nemme uffbaud wårda. (Dees was-mor haed siid, dor Turm ond d Gaststädde, gåd uff dor Schwäbische Albvorae zrugg.) Mid dor Reformazio em Herzogtum Wirddaberg isch Aoa evangelisch wårda. Ănna 1899 håd Aoa on Eisabãāschluss griagd, må d "Teckbã" vo Kirchhaem nåch Oborlennenga ferdich wårda isch.
Wirdschafd ond Vorkeer ändere
Aoa håd a ausglichena Wirdschafdssdrugtur mid viile Middlsdandsbedriib. Älle Aekaofsmegllichkaeda firr dor Alldag send vorhanda. Landwirdschafdliche Bedriib biaded bsondore "Biosphärenprodukte" ã, weil Aoa zomm Biospärareservat Schwäbischa Alb ghaerd. Dor Fremdavorkeer sbiild a wichdicha Roll, vor ällem am Wochaende, wenn aus Sduagord ond Omgäbong ozäliche Ausfliglor Richdong Alb ond Burg Teck ausschwermed. Durch d "Teckbā" isch Aoa äll Sdond mid Kirchhaem vorbonda. Dord kā-mor diräggd en d S1 nåch Sduagord omsdeiga.
Verwaltong ändere
Aoa håd sich mit de Gmaendena Lennenga ond Weiler zom Gemeindeverwaltungsverband Lenningen mit Sitz en Lennenga zsẽmagschlossa. Birgormmåesdore isch d Verena Grötzinger.
Wahla ändere
Ergäbnis vo de Landdagswahla seid 2006:[3]
| Jahr | CDU | Gräane | SPD | FDP | D Lengga1 | AfD | Sonschtiche |
| 2016 | 30,8 % | 30 % | 13 % | 10,6 % | 1,3 % | 10,3 % | 4 % |
| 2011 | 44,1 % | 19,6 % | 20,9 % | 7 % | 1,1 % | 7,3 % | |
| 2006 | 44,7 % | 11,4 % | 22,7 % | 13,2 % | 1,4 % | 6,6 % |
1 2006: WASG, seid 2011: Die Linke
Dialägdt ändere
Dor Dialägd vo Aoa isch Zendralschwäbisch.
Weblink ändere
Commons: Owen – Sammlig vo MultimediadateieFueßnote ändere
- ↑ Statistisches Landesamt Baden-Württemberg – Bevölkerung nach Nationalität und Geschlecht am 31. Dezember 2022 (CSV-Datei).
- ↑ Statistisches Bundesamt: Bodenfläche nach Art der tatsächlichen Nutzung - Stichtag 31.12. - regionale Tiefe: Gemeinden, Samt-/Verbandsgemeinden (bis 2011)
- ↑ Statistisches Landesamt Baden-Württemberg: Landtagswahl (Memento vom 7. Juli 2019 im Internet Archive)
