Wendleng

Wendleng (schwäb. ['wẽndleŋ], haochdeitsch beaeflussd Wendlenga ['wẽndleŋɐ], dt. Wendlingen am Neckar) isch a Schdadd em Landgraes Esslenga en Bada-Wirttabärg.

Wappa	Deitschlandkart
	48.6747222222229.3816666666667
Basisdata
Bundesland:	Bade-Wirttebärg
Regierongsbezirk:	Schduagord
Landkroes:	Esslenga
Fläch:	12,2 km²
Eiwohner:	16.258 (31. Dez. 2022)
Bevelkerongsdicht:	1338 Eiwohner je km²
Boschtloetzahl:	73240
Vorwahl:	07024
Kfz-Kennzoeche:	ES
Gmoedsschlissel:	08 1 16 071
Gmoedgliderong:	3 Ortsdoel
Adress vo dr Gmoedsverwaltong:	Am Marktplatz 2 73240 Wendlingen am Neckar
Webpräsenz:	www.wendlingen.de
Schuldes:	Steffen Weigel
Lag vo de Gmoed Wendlingen am Neckar em Landkroes Esslenga
Karte

Dialäkt: Schwäbisch

Geografi

Wendleng leid ogfär 20 Kilometer sideschtlich vo Stuagort, då må d Lauter en dor Näggor naegåd. Nåchbergmaendena send Kengga em Nordwäschda, Wärnao em Nordoschda, Kircha em Sidoschda, Oborboeng em Sida ond Ondorẽseng em Wäschda (älle Landgraes Esslenga). Wendleng leid em Vorland vo dor Schwäbischa Alb.

D Gmarkong sezzd sich zsẽma aus 24,3 % landwirdschafdlichor Fleche, 4,1 % Wald, 20,5 % Sidlongsfleche ond 2,5 % sonschdichor Fleche.

Gmaendeglidorong

Zo Wendleng ghaerd s frijore Wendleng mid-m Weilor Bodlshofa ond s frijore Ondorboeng. Die drei Dåel send enzwischa älle zsẽmabaud.

Aus dor Gschiichd

S heidiche Wendleng isch zomm 1. April 1940 durch d Fusio vom alda Wendleng mit Onderboeng endschdanda. Wendleng isch on aldwirttabärgischor Flägga gwäa ond 1539 en dor Reformazio evangelisch gwårda. Ondorboeng isch katholisch bliiba, weil-s en dor Reformazionszeid de Härra vo Wärnao ghaerd håd. Am 15. Dezembor 1964 hådd Wendleng dor Tidl Sdadd vorlija griagd.

Verwaltong

Wendleng hådd sich mit dor Gmaende Kengga zom Gmaendevorwaldongsvorband Wendleng mit Sitz en Wendleng zsẽmagschlossa. Wendleng ond Kengga send so guad wia zsẽmabaud, blos dass no dor Näggor zwischa båede Gmaendena durchgåd. Schuldes isch dor Steffen Weigel.

Wahla

Ergäbnis vo de Landdaagswahla seid 2006:

Jahr	CDU	Greane	SPD	FDP	Lenke1	AfD	Sonschtiche
2016	25 %	29 %	13,9 %	8,1 %	2,2 %	17,1 %	4,7 %
2011	38 %	23,4 %	25,4 %	4,6 %	2,3 %		6,4 %
2006	38,6 %	16,1 %	24,8 %	9,3 %	2,8 %		8,5 %

¹ 2006: WASG, seid 2011: Die Linke

Dialäggd

Dor Dialäggd vo Wendleng ghaerd zomm Middlschwäbischa.

Weblink

 Commons: Wendlingen am Neckar – Sammlig vo Multimediadateie

• www.wendlingen.de