Peter Burckhardt

Dialäkt: Baseldütsch

Dr Peter Burckhardt (1742-1817) isch e Basler Politiker und 1812 Landamma vo der Schwiiz gsi.

Läbenslauf

Dr Peter Burckhardt isch am 25. August 1742 z Basel uf d Wält cho, as Sohn vom Hans Balthasar Burckhardt, em Chaufma, Drizähner (d. h. Mitgliid vom Gheime oder Drizähner Root) und Dagsatzigsgsandte, und vo dr Valeria Beck. Er isch mit dr Anna Forcart, dr Dochter vom Basler Grossroot und Stadtschriiber Dietrich Beck, verhürotet gsi. 1761 het dr Burckhardt d Firma vom Vater übernoh. 1772 isch in dr Grooss Root gwehlt worde. Vo 1784 bis 1798 isch er im Chliiroot oder Drizähnerroot gsässe. 1772-96 isch er Dagsatzigsgsandte gsi, 1789 Oberstzumftmeister, 1790-98 Bürgermeister. Noch dr Gründig vo dr Helvetische Republik isch er 1798 Mitgliid vo dr Basler Nationalversammlig worde. Vo 1803 aa isch er wider Groossroot, vo 1811 aa Chliiroot, und vo 1811 bis 1815 Bürgermeister gsi. Wo Basel 1812 dr eidgenössisch Vorort worden isch, isch er Landamma vo dr Schwiiz gsi. As Freimuurer isch er Mitgliid in verschiidene Loge in dr Schwiiz und im Usland gsi.

Dr Peter Burckhardt isch am 24. Merz 1817 z Basel gstorbe.

Literatur

• Philipp Sarasin: Burckhardt, Peter. In: Historisches Lexikon vo dr Schwiiz.