Petra Gössi

Dialäkt: Innerschwyzerisch

D Petra Gössi (* 12. Jänner 1976 z Lozärn, heimetberächtigt z Chüsnacht) isch e Schwyzer Politikeri (FDP.Die Liberalen). Si isch sit anne 2011 Nationalrätin. Vo April 2016 bis Oktober 2021 isch si Presidäntin vo de nationale FDP gsi.

D Petra Gössi (2015)

Biografy

D Petra Gössi het ihri Matura am Gymnasium Immesee gmacht und het denah a de Universität Bärn Rächtswisseschafte studiert. D Jurischtin het es Nachdiplomstudium Master of Economic Crime Investigation a de Hochschuel Lozärn absolviert und isch Rächts-, Stüür- und Unternämensberaateri bi de Baryon AG z Züri.

D Petra Gössi isch ab 2006 Mitglid vo de Gschäftsleitig vo de FDP.Die Liberalen vom Kanton Schwyz gsi, wo si anne 2012 s Presidialamt vom Vincenzo Pedrazzini devoo übernuu het.

Vo 2004 bis 2011 isch si im Kantonsraat vo Schwyz (Legislative) gsii, wo si ab 2008 as FDP-Fraktionschefin gamtet het. D Gössi ghört sit de Parlemäntswahle 2011 em Nationalraat aa. Det isch si under anderem Mitglid vo de Finanzkommission und Stellverträtteri i de Immunitätskommission.

Nach em Rücktritt vom Philipp Müller Ändi 2015 het sich d Petra Gössi für s fry wärdendi FDP-Presidium beworbe und isch am 16. April 2016 anere Delegierteversammlig ohni Gägekandidat gwählt worde. Am 2. Oktober 2021 isch de Thierry Burkart zue irem Nachfolger gwählt worde.

Weblink

• Websyte vu dr Petra Gössi
• Petra Gössi uf dr Websyte vo dr Bundesversammlig

Fuessnote

Dä Artikel basiert uff ere fräie Übersetzig vu dere Version vum Artikel „Petra_Gössi“ vu de dütsche Wikipedia. E Liste vu de Autore un Versione isch do z finde.