Rainer Stickelberger

Dialäkt: Undermarkgreflerisch

Dr Rainer Stickelberger (* 6. April 1951 z Löörech) isch e dytsche Jurischt un Bolitiker (SPD). Är isch syt 2001 as Verdrätter vum Wahlchrais Löörech Mitglid vum Landdag vu Bade-Wirttebärg. Vum Mai 2011 bis Mai 2016 isch dr Stickelberger Juschtizminischter im Kabinett Kretschmann I gsii.

Läbe

Dr Stickelberger het anne 1970 syy Abitur am Hans-Thoma-Gymnasium z Löörech gmacht un het derno z Fryybeg Rächtswisseschafte studiert. Dr SPD isch er im Johr 1971 byydrätte. Zwische 1979 un 1984 isch er Richter an dr Verwaltigsgricht z Fryybeg un z Charlsrue gsii. Zwische 1984 un 1992 isch er Burgermaischter vu dr Stadt Wyyl am Ryy gsii. Vu 1992 bis Mai 2011 het er as Rächtsaawalt in ere Chanzlei z Löörech as Sozius gschafft, vor allem in dr Beraich Kommunalwäse un Böu- un Blanigsrächt. Syt em 17. April 2001 isch er as Mitglid vum Landdag rächtsbolitische Sprächer un Juschtiziar vu dr SPD-Landdagsfraktion.

Wie 2006 isch dr Stickelberger au 2011 iber e Zwaitmandat in dr Landdag vu Bade-Wirttebärg yyzoge.^[1] Dr Stickelberger isch ain vu dr Verdrätter vum Landdag vu Bade-Wirttebärg im Rundfunkrot vum SWR.^[2] Am 12. Mai 2011 isch er as Juschtizminischter vu dr grien-rote Koalitionsregierig veraidigt wore. Au bi dr Wahl anne 2016 het dr Stickelberger sy Landdagsmandat erfolgrych verdaidigt.^[3]

Sunschtigs

Dr Rainer Stickelberger isch ghyrote un het e Dochter. Är wohnt z Wyyl-Haltige, wun er sich im ertlige Sportverain engaschiert. Derzue isch er Uufsichtsrot vu dr Böugnosseschaft z Wyyl am Ryy, Mitglid in dr Arbaiterwohlfahrt un in wytere regionale Organisatione un Verain.

Weblink

Commons: Rainer Stickelberger – Sammlig vo Multimediadateie

Fueßnote

↑ Badische Zeitung Landtagsabgeordnete Lusche Frey Stickelberger
↑ Biografie von Rainer Stickelberger Archivlink (Memento vom 4. Jänner 2006 im Internet Archive)
↑ Landtag von Baden-Württemberg, 16. Wahlperiode Abgeordnete nach Fraktionen Archivlink (Memento vom 27. Mai 2016 im Internet Archive)

Dä Artikel basiert uff ere fräie Übersetzig vum Artikel „Rainer_Stickelberger“ vu de dütsche Wikipedia. E Liste vu de Autore un Versione isch do z finde.

[1] Badische Zeitung Landtagsabgeordnete Lusche Frey Stickelberger

[2] Biografie von Rainer Stickelberger Archivlink (Memento vom 4. Jänner 2006 im Internet Archive)

[3] Landtag von Baden-Württemberg, 16. Wahlperiode Abgeordnete nach Fraktionen Archivlink (Memento vom 27. Mai 2016 im Internet Archive)

[1]

[2]

[3]