Chly Rhy
S Piet Chly Rhy isch es Naturschutzpiet am Rhy im Kanton Aargau.
Es lyt im Gmeindbann vo Riete drüü Kilometer oberhalb vo Choblez.
A däre Stell het der Rhy früener en natürliche Sytearm gha, wo drumume en füechti Auelandschaft entstanden isch. Im 20. Joorhundert hät me das Areal ufgschüttet und entwässeret, wil vorhär immer wider s Kulturland näbedra überschwemmt worden isch.
I de Joore 2014 und 2015 hät der Kanton zäme mit em Verein Pro Natura e Deil vom Land am alte Sytenarm bim Projäkt vom «Aueschutzpark Aargau» wider in en naturnoche Zuestand zruggbout, mit nöie Gwässer und mit Areal, wo’s früsches Chiis hät und wo sech mit der Zyt wider en Auelandschaft cha entwickle. S nöie Naturschutzpiet hät e Flechi vo 35 Hektare. Es isch is nazionale Verzeichnis vo de bedüütende Schwiizer Auelandschaften ufgnoo.
Chly underhalb vom Chly Rhy isch die wildi Flussstrecki vom Choblezer Lauffe.
Im Schutzpiet stoot an alte Bunker vo der Schwiizer Armee, wo me en Uussichtsplatz druuf gmacht het; und es git en nöie hölzige Uussichtsdurm.
Weblink
ändere
Commons: Chly Rhy – Sammlig vo MultimediadateieKoordinate: 47° 36′ 24″ N, 8° 16′ 16″ O; CH1903: 662607 / 273226