Rita Haller-Haid

Dialäkt: Undermarkgreflerisch

D Rita Haller-Haid (* 8. Dezämber 1950 z Rautweil) isch e dytschi Bolitikeri (SPD). Vu 2001 bis 2016 isch si Mitglid vum Landdaag vu Bade-Wirttebärg gsii.

Uusbildig un Beruef

D Haller-Haid isch z Rautweil uf d Grundschuel un au uf s Gimnasium gange un het dert anne 1970 a Abitur gmacht. No dr Schuel het si an der Universitet Dibenga Sozialpedagogik studiert. Vu 1977 bis 1981 het si as Erzieheri in eme Jugedhaim gschafft. Noch ere Zyt as Huusfrau isch si 1985 Laiteri vum Edith-Stein- Wohnhaim z Dibenga wore. Vu 1996 bis 2001 het si derzue aus fir dr Landdagsabgordnete Gerd Weimer gschafft. Ab 2003 isch si fir d Arbet in dr Bolitik as Laiteri vum Wohnhaim beurlaubt gsii.

Bolitik

D Rita Haller-Haid isch syter anne 1988 Mitglid bi dr SPD. Vu 1995 bis 2004 isch si Mitglid im Landvorstand vu dr „Arbeitsgemeinschaft sozialdemokratischer Frauen“ (AsF) gsii un vu 1997 bis 2004 Mitglid vum Landvorstand vu ihre Bartei z Bade-Wirttebärg. Vu 1995 bis 1999 un wider syt 2004 isch s Mitglid im Chraisdag vum Landchrais Dibenga gsii.

Bi dr Landdagswahl 2001 het si im Wahlchrais Dibenga kandidiert un isch iber e Zwaitmandat in Landdag gwehlt wore. Au bi dr Landdagswahle 2006 un 2011 isch si iber Zwaitmandat z Dibenga widergwehlt wore. Zue dr Landdagswahl 2016 isch si nimi aadrätte. Im Landdag isch si Mitglid im Bresidium gsii un Mitglid im

Uusschuss fir Wisseschaft, Forschig un Chunscht, im Uusschuss fir Europa un Internationals, im Uusschuss no Artikel 62 (Notbarlemänt), im Untersuechigsuusschuss „EnBW-Deal“ un im Untersuechigsuusschuss „Rechtsterrorismus/NSU BW“. Derzue isch si stellverdrättend Mitglid im Ständige Uusschuss, im Uusschuss fir Finanze un Wirtschaft, im Uusschuss fir Kultus, Juged un Sport, im Innenuusschuss, im Uusschuss fir Umwält, Klima un Energywirtschaft, im Uusschuss fir Arbet un Sozialornig, Familie, Fraue un Seniore, im Uusschuss fir Integration, im Petitionsuusschuss, im Uusschuss fir Ländlige Ruum un Verbruucherschutz un im Uusschuss fir Verchehr un Infrastruktur.

Familie un Privats

D Rita Haller-Haid isch gschide un Mueter vun ere Dochter un eme Suhn.

Weblink

Commons: Rita Haller-Haid – Sammlig vo Multimediadateie

Abgeordneten-Handbuch des Landtags von Baden-Württemberg für die 15. Wahlperiode (PDF-Datei; 2,9 MB)]
Rita Haller-Haid uf abgeordnetenwatch.de