Sankt Brix
Sankt Brix (franzöösisch Saint-Brais) isch e Gmeind im Schwiizer Kanton Jura. D Gmeind ghört zum Bezirk Freibärge.
| Sankt Brix (Saint-Brais) | |
|---|---|
 | |
| Basisdate | |
| Staat: | Schwiiz |
| Kanton: | Jura (JU) |
| Bezirk: | Freibärge |
| BFS-Nr.: | 6758 |
| Poschtleitzahl: | 2364 |
| Koordinate: | 575444 / 239614 |
| Höchi: | 967 m ü. M. |
| Flächi: | 15.19 km² |
| Iiwohner: | 228 (31. Dezämber 2022)[1] |
 Sankt Brix | |
| Charte | |
 | |
Geografii
ändereSankt Brix lyt uf ere Hechi vu 967 m ü. M., 10 Kilometer nordöschtlech vum Bezirkshauptort Saignelégier (Luftlinie). S Dorf erstreckt sich uf mene ussichtsriiche Jurakamm vu de nordöschtliche Freibärge (franzesisch Franches Montagnes), am Rand vum tüüf iigschnittene Tal vum Doubs.
Im Süde goot s Gmeindsbiet in ds Erosionstal vum Bach Tabeillon, eme lingge Sytebach vu de Sorne.
Zu dr Gmeind ghöre d Ortsteil Le Péquie und Le Chésal und es baar verstreuti Buurehööf.
D Nochbergmeinde sind Lajoux, Falkebärg, Clos du Doubs, Val Terbi und Saulcy.
Gschicht
ändereSankt Brix isch im Joor 1275 als Sem Bris erwäänt worde. S het zur Herrschaft Freibärge ghört, wo em Fürschtbistum Basel understande isch. I de Joor 1793 bis 1815 het d Gmeind zu Frankriich ghert, zerscht zum Departemänt Mont-Terrible, denn ab 1800 zum Departemänt Haut-Rhin, em Oberelsass. De Wiener Kongress het im 1815 entschide, dass de Ort zum Kanton Bärn chunnt. Sit de Gründig vum Kanton Jura uf de 1. Jänner 1979 ghört d Gmeind zu dem Kanton.
D Pfarrchile Saint-Brice isch ane 1656 bout worde.
Lüüt
ändere- Robert Jolidon, Pfaarer und Dialäktoloog
Literatur
ändere- François Schifferdecker und François Kohler: Saint-Brais In: Historisches Lexikon vo dr Schwiiz.
Weblingg
ändere
Commons: Sankt Brix – Sammlig vo MultimediadateieFuessnote
ändere- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
