Saint-Gingolph (Haute-Savoie)

Saint-Gingolph isch e französischi Gmeind im Departemänt Haute-Savoie. Si het öppen 800 Ywooner.

San Zhingueû
Verwàltung
Land	Frànkrich
Region	Auvergne-Rhône-Alpes
Département	Haute-Savoie (74)
Arrondissement	Thonon-les-Bains
Kànton	Évian-les-Bains
Kommünàlverbànd	Pays d'Évian Vallée d'Abondance
Àmtliga Nàma	Saint-Gingolph
Maire	Géraldine PFLIEGER (2014-2020)
Code Insee	74237
Poschtlaitzàhl	74500
Iiwohner
Iiwohner	895
Flech	7,33 km2
Bevelkerungsdicht	93,72 Iiw./km2
Làg
Koordinate	46° 23′ 32″ N, 6° 48′ 07″ E
Heche	m
San Zhingueû San Zhingueû (Frànkrich)
Website
http://www.st-gingolph.fr

Im frankoprovenzalische Dialäkt seit men em Dorf San Zhingueû oder au Sent-Gingolf.

Geografy

S Dorf lyt am Gämfersee und ufem schmale Uferstreife under em Bärgmassyv, wo dr höchscht Gipfel d Dent d’Oche isch. Es isch e Gränzort zu dr Schwiiz.

Gschicht

Der hütig Ortsname chunt vom heilige Gangolf, wo sid ane 755 do im Wald am See gwohnt het. Es het aber i dere Gägend scho ane 515 es Dorf gha; das het Bresti gheisse. Dr nöi Name vom Dorf chunt s erschte Mol in ere Urkunde vom Joor 1153 vor. Es isch im Land vo de Grafe vo Savoie gsi.

Ane 1536 isch die Region so wie aus s Waadtland vo de Bärner und de Walliser eroberet worde, und 1569 isch bim Fridensvertrag vo Thonon zwüsche dene äiggnössischen Oort und Savoie d Landesgränze zmitz dur Saint-Gingolph dure zoge worde. Drum git’s hüt im Dorf die beide Gmeinde Saint-Gingolph vo Haute-Savoie und Saint-Gingolph im Wallis, und im Dorf inn isch dr Zollposchte vo beide Länder. Di kaddolischi Chile vom Dorf vo ane 1770 stoot im französische Saint-Gingolph und im Bischtum vo Annecy – dr Fridhof isch au für die Toote vom schwiizerische Dorfdeil, wo me über d Landesgränze muess überebringe. Ane 1860 wäre d Lüüt vom französische Saint-Gingolph so wie d Mehrheit vo de Ywwoner vo Hoch-Savoie gärn zu dr Schwiiz cho, aber d Schwiizer Bundespolitiker z Bärn händ dass nid welle.

Der Wääg em See noo, under em stotzige Bärghang, isch die einzegi internazionali Passaasche südlech vom Gämfersee, wo nid über en hööche Bärgpass goot. Es git e Autostrooss und sid 1886 en Ysebaanlinie, wo dr Übername Tonkin-Linie überchoo het, wil d Landschaft d Boulüüt während dr Arbet a die schwiregi Ysebaan vo Tonkin z Nordvietnam, im dozmol französische Protektorat Indochina erinneret het. D Baan em Gämfersee noo isch aber sid 1998 zue.

Bilder

• 
  dr Bach Morge, wo d d Gränze zwüschem schwiizerischen und em französische Dorfdeil isch
• 
  d Dorfchile
• 
  dr Gränzposchte
• 
  am Gämfersee

Weblink

 Commons: Saint-Gingolph (Haute-Savoie) – Sammlig vo Multimediadateie

• Patrick Maye: Saint-Gingolph. In: Historisches Lexikon vo dr Schwiiz.