San Andrés und Providencia

San Andrés y Providencia isch en Inselgruppe in dr Karibik (Archipiélago de San Andrés y Providencia), wo us de Insle San Andrés, Providencia und Santa Catalina bestoht. Politisch bilde die Insle e kolumbianischi Provinz, s Departamento de San Andrés y Providencia.

Geografii ändere

 
D Lag vo San Andrés und Providencia
 
D Insle San Andrés us em Wältall

D Insle lige in der Karibik nume 200 km vor dr Küste vo Nicaragua, aber 800 km vo dr Küste vo Kolumbie ewäg. Zwüsche San Andrés und Providencia het s e Distanz vo 70 km.

D Insle San Andrés bestoht us ere Bärgchetti vo Norde gege Süde, wo an dr höchste Stell 55 Meter über em Meeresspiegel misst. D Insle isch hauptsächlig vo Kokosnusspalmwälder prägt. Dr Archipel dehnt sich über 349.800 km² us, d Provinz macht aber nume 44 km² drvo us.

Zur Inselgruppe ghöre no d Insle Providencia und Santa Catalina; zur Provinz zehle usserdäm e Hufe vo chliineren Insle (Bolívar, Alburquerque, Cotton Haynes) und Inselgruppen (Grunt, Johny Rose, Easycay, Roncador, Serrana, Seranilla, Quita Sueño, Brothers, Rocky, Crac, Santander).

Dr Tourismus und dr Handel si d Hauptwirtschaftszwiig vo de Insle. Landwirtschaft, Vehzucht und Fischfang wärde nume zur Eigeversorgig bedriibe.

Bevölkerig ändere

Uf de Insle läbe öbbe 70'000 Lüt, wo sich Sanandresanos nenne. Bin ere Flechi vo 44nbsp;km² macht das e Bevölkerigsdichti vo 1'604 Iiwohner pro Quadratkilometer. D Urbanisierig stoht uf 94,2, d Alphabetisierig uf 94,2%. Es het zwei Gmeinde uf de Insle. D Hauptstadt isch San Andrés, e wiiteri Stadt isch Providencia. Dr Pedro Gallardo Forbes isch sit 2008 Gouverneur.