Sarah Bosetti
D Sarah Bosetti (* 17. Februar 1984 z Aachen) isch e dytschi Autoori, Satiirikeri, Biineliteraati un Moderatoori.
Lääbe un Wiirke
ändereD Bosetti isch z Aachen ufgwagse un het vu 2004 bis 2008 z Brüssel gläbt, wu si an dr Hogeschool Sint-Lukas Filmreschy studiert un mit em Master abgschlosse het. Si isch je fir e baar Moonet uf Sardinie, Venedig, Edinburgh un Lissabon zooge un derno uf Berlin, wu si syterhäär läbt.[1] Syter anne 2009 dritt si uf Lääsebiine, Poetry Slam un Kabarettbiine uf. 2010 het si mit em Jan von Im Ich, em Daniel Hoth un em Karsten Lampe d Lääsebiini Couchpoetos grindet, wu all Moonet im Lovelite stattfindet.[2] Anne 2013 isch si mit em Daniel Hoth as Team Mikrokosmos dytschsproochigi Vizemaischteri im Poetry Slam woore.[3] Zäme moderiere si d Live-Show Peace, Love & Poetry, wu all Moonet stattfindet.[4] Dooderiiberuuse isch si Mitorganisatoori vu dr Poetry-Slam-Meisterschaft Berlin/Brandenburg.[5]
Anne 2014 isch im Satyr Verlaag ire eerscht Buech Wenn ich eine Frau wäre erschiine. 2015 isch im Verlaag Voland & Quist dr Romaan Mein schönstes Ferienbegräbnis uusechuu, wu derno as Däschebuech im Ullstein Verlaag erschiine isch. 2017 isch derno Ich bin sehr hübsch, das sieht man nur nicht so im Rowohlt Verlaag uusechuu.
Syter anne 2015 het si all Wuche ne Kolumne bi radioeins[6] un schrybt syt aafangs 2016 as freii Autoori fir Das Magazin.
Nääbe Gaschtufdritt im Fäärnsee (u. a. Die Anstalt (ZDF), Nuhr im Ersten (ARD), Extra 3 (NDR), Prix Pantheon (WDR), Ladies Night (ARD), Pufpaffs Happy Hour (3sat), Nuhr ab 18 (ARD), Poetry Slam (ZDFkultur), Mitternachtsspitzen (WDR)) tuurt si mit humoristische Lääsige dur dr ganz dytschsproochig Ruum.
Syt Septämber 2020 moderiert si s Format Bosetti will reden! fir ZDFkultur. D Folge cha mer in dr ZDFmediathek un uf em YouTube-Kanal ZDF Satire aaluege.[7] Im Oktober un Novämber 2021 het dr MDR iri vierdailig Satire-Show Bosetti die Erste – Julius Fischer ist auch dabei zaigt.[8] Syt em 18. Merz 2022 moderiert si dr Podcast extra 3 – Bosettis Woche.[9]
Vereffetlichunge
ändere- Wenn ich eine Frau wäre, Satyr Verlag, Berlin 2014, ISBN 978-3-944035-42-0.
- Mein schönstes Ferienbegräbnis, Ullstein Verlag, Berlin 2017, ISBN 978-3-548288-72-7.
- Ich bin sehr hübsch, das sieht man nur nicht so. Von einer, die auszog, das Scheitern zu lernen, Rowohlt Verlag, Hamburg 2017, ISBN 978-3-499-63317-1.
- „Ich hab nichts gegen Frauen, du Schlampe!“ Rowohlt Verlag, Hamburg 2020, ISBN 978-3-499-00191-8.
Täxtbyydreeg
ändere- Michael-André Werner (Hrsg.): Frische Märchen extra fein: Kann Spuren von Tieren und Hexen enthalten, Satyr-Verlag, 2015, ISBN 978-3-944035-57-4.
- Clara Nielsen, Nora Gomringer (Hrsg.): Lautstärke ist weiblich: Texte von 50 Poetry-Slammerinnen, Satyr-Verlag, 2017, ISBN 978-3-944035-91-8.
as Rusegeeberi
ändere- mit Volker Surmann (Hrsg.), Andreas Scheffler (Hrsg.): Mit euch möchten wir alt werden: 30 Jahre Berliner Lesebühne, Satyr-Verlag 2018, ISBN 978-3-947106-14-1.
Uuszaichnige (Uuswaal)
ändere- 2019: First Ladies Kabarettistinnenpreis (Jurybryys)[10]
- 2020: Salzburger Stier[11]
- 2021: Dytsche Chlaichunschtbryys (Kategory Chlaichunscht)[12]
- 2021: Dieter-Hildebrandt-Bryys[13]
Weblink
ändere
Commons: Sarah Bosetti – Sammlig vo MultimediadateieFueßnote
ändere- ↑ Interviews StageCat- Comedians, Musiker, Künstler, Autoren. Abgruefen am 13. Juni 2019.
- ↑ Couchpoetos // Die Lesebühne im Lovelite. Abgruefen am 13. Juni 2019.
- ↑ Rundenplan | Slam 2013 Bielefeld. In: www.slam2013.de. Abgruefen am 13. Juni 2019.
- ↑ Peace, Love & Poetry. Abgruefen am 13. Juni 2019.
- ↑ BB Slam 2019 - Die Poetry Slam Meisterschaft Berlin/Brandenburg. Abgruefen am 13. Juni 2019.
- ↑ Eintagssiege. Abgruefen am 13. Juni 2019.
- ↑ Kabarett: „Bosetti will reden!“ bei ZDFkultur. In: ZDF Presseportal. 22. September 2020, abgruefen am 2. November 2021.
- ↑ Witzig und bissig: MDR startet neue Satire-Show mit Sarah Bosetti. In: Presseinformationen des MDR. Mitteldeutscher Rundfunk, 27. Oktober 2021, abgruefen am 10. November 2021.
- ↑ extra 3 – Bosettis Woche. In: ARD Audiothek. Abgruefen am 19. März 2022.
- ↑ First Ladies - Der WDR Kabarettistinnenpreis. Abgruefen am 13. Jänner 2020
- ↑ "Salzburger Stier 2020" an Florian Scheuba. In: ORF.at. 4. November 2019, abgruefen am 4. November 2019.
- ↑ Deutscher Kleinkunstpreis 2021 – Preisverleihung vom 2. Mai im Frankfurter Hof. Abgerufen am 9. Mai 2021
- ↑ Dieter-Hildebrandt-Preis 2021 an Sarah Bosetti. In: Presse- und Informationsamt der Landeshauptstadt München (Hrsg.): Rathaus Umschau. Band 2021, Nr. 114. München 18. Juni 2021, S. 3 f. (muenchen.de [abgerufen am 10. November 2021]).
|
Dä Artikel basiert uff ere fräie Übersetzig vu dere Version vum Artikel „Sarah_Bosetti“ vu de dütsche Wikipedia. E Liste vu de Autore un Versione isch do z finde. |