Bettmèdinger Schloss
S Bettmèdinger Schloss isch è Amtshuus un dè Landsitz vom Kloschter St. Bläsy im spòtgotischè Styl z Bettmèdingè im Landchrais Waldshuèt.
S ehemòligè St. Bläsische Amtshuus, èn stattlichè spòtgotischè Landsitz, wo i dè Regyrungszit (1541 bis 1571) vom bauaffinè Abt Caspar Molitoris, mit Wèndelschtègèdürmle, Staffelzinnè, Wappè, Umfassungsmuèr un Torwappè vom Berthold Rottler sin zitèwys d Woonung vom Pfarrer gsi, vo 1803 bis 1806 hèt s im Großpriorat vom Malteserordè ghört.
Denõch isch für kurzi Zit schwôbisch un no im sèlbè Johr baddisch gsi, ab 1828 hèt èn Pfarrer s Amtshuus bewoont, dõrum isch es toujours „Pfarrhuus“ benamst worrè, nit zletscht well d Kirchè uumittelbar denäbbè stôt (s eigentliche Pfarrhuus isch nõch è baar Bränd è baar Mòl neu baut worrè, schlièßlich abber 1736 abgrissè worrè). S Amtsgebäude isch vo 1979 bis 1980 umfassend a dè Fassad un èm Dach sanyrt worrè. Näbbè m üblichè Uusdrugg Pfarrhuus wörd dè Bau mèngmòl au Bettmèdinger Schloss dauft. D Innèuusschtattung isch im 18. Johrhundert umgschtaltet worrè, doch s Obbergschoss mit dè baroggè Prälatèrüüm isch original erhaaltè blibbè: Appartement mit Alkovèaalaag, uusgschtattet um 1770 mit iiglegtem Boddè un feinè Stuckaturè nõch dè spôtè Wessobrunner Schuèl.[1] S Gebäude isch 2013 vom Staat a Brivat vokauft worrè.
Literadur
ändere- Norbert Nothelfer (Hrsg.): Der Kreis Waldshut, 1979
Einzelnõchwys
ändere- ↑ Hans Jakob Wörner: Baudenkmäler aus der sanktblasianischer Zeit, in: Das Tausendjährige St. Blasien, 200jähriges Domjubiläum. Uusschtellungskatalog 1983, Band II. S. 328
Koordinate: 47° 45′ 10,4″ N, 8° 21′ 56,6″ O