Sankt Brancher
| Dialäkt: Wallisertitsch |
Sankt Brancher (frz. offiziell Sembrancher; fp. [a sabrɛ̃ˈtsə, sabrɛ̃ˈtʃyə]) isch en Munizipaalgmei im Bizirk Entremont im Kanton Wallis, Schwiz.
| Sankt Brancher | |
|---|---|
 | |
| Basisdate | |
| Staat: | Schwiiz |
| Kanton: | Wallis (VS) |
| Bezirk: | Entremont |
| BFS-Nr.: | 6035 |
| Poschtleitzahl: | 1933 |
| Koordinate: | 577769 / 103005 |
| Höchi: | 717 m ü. M. |
| Flächi: | 17.7 km² |
| Iiwohner: | 1050 (31. Dezämber 2022)[1] |
| Website: | www.sembrancher.ch |
 | |
| Charte | |
 | |
Geografii ändere
Di Gmei liggut ufer lingg Sita vam Fluss Dranse, wa üsum Bangistaal chunnt. Dr Bach macht di Gränza ufer Noordsita ufera Lengi va sibu Kilometer. Ufer rächt Sita vam Bach liggut di Gmei Vollèges und ds Taal Entremont feri im Süüdu di Gmei Orsières.
Da, wa d Entremont-Dranse in ds Taal embri chunnt und va linggs ini Dranse mündut, liggut ufera Aaheechi ds aalt Doorf Sankt Brancher. Da faat öi di Bäärgstraass ufu Grooss Sankt Bernhard a. Ei Kilometer witer feri im Taal isch dr Willer La Garde.
Va Martinach chunnt en Iisubaanlingja ds Taal feremüf und verzwigt schi bi Sankt Brancher zenu Streckine uf Le Châble im Bangistaal und uf Orsières.
Gschicht ändere
Sankt Brancher isch zum eerschtu Mal im Jaar 1177 als Sancti Pancratii de Branchi erwäänts cho. Ds Doorf isch sit dum Mittelaalter dr Höiptoort vam Entremont.
Iwoner ändere
Quälla: Bundesamt fer Statistik 2005[2]
| Jaar | 1850 | 1860 | 1870 | 1880 | 1888 | 1900 | 1910 | 1920 |
| Iwoner | 739 | 737 | 769 | 780 | 780 | 716 | 675 | 641 |
| Jaar | 1930 | 1941 | 1950 | 1960 | 1970 | 1980 | 1990 | 2000 |
| Iwoner | 709 | 681 | 664 | 710 | 712 | 671 | 750 | 792 |
Dr Üsländerateil isch 2010 bi 11,7 % glägu.[3]
Religioo ändere
89 % vanu Iwoner sind im Jaar 2000 römisch-katholisch gsi, 3,8 % evangelisch-reformiert.[3]
Politik ändere
Dr Gmeipresidänt va Sembrancher isch dr Bernard Giovanola (Stand Oktoober 2017).
Spraach und Dialäkt ändere
Bi dr Volchszellig 2000 heint vanu 792 Iwoner 98,2 % Französisch als Höiptspraach agigä, 0,8 % Titsch, 0,5 % Italienisch und 0,5 % annri Spraache.[3]
Dr tradizionell Dialäkt va Sembrancher gcheert zum Frankoprovenzalischu.
Weblink ändere
Commons: Sembrancher – Sammlig vo MultimediadateieAmerkige ändere
- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
- ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )
- ↑ 3,0 3,1 3,2 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv) , Mai 2012
