Stéphanie Chuat

Dialäkt: Undermarkgreflerisch

D Stéphanie Chuat (* 1970 z Lausanne) isch e Schwyzer Schauspiileri, Draibuechautoori un Filreschisseeri.^[1] Si schafft as Reschisseeri zäme mit dr Véronique Reymond.

Lääbe u Wiirke

D Stéphanie Chuat het am Kunservatoorium z Lausanne un an dr Scuola Teatro Dimitri (Tessin) studiert. Mit dr Véronique Reymond, wu si chännt, syter ass si elf Johr alt isch, het si ne Chinder- un Juugedtheater grindet, d Compagnie Switch. Si hän zäme in e Hufe schwyzerische un franzeesische Theaterprodukzioone mitgwiirkt.

Anne 1999 hän si zäme aagfange Chuurzfilm schryybe un inszeniere.^[2]

Ain vu däne Film, Berlin Backstage, isch in dr Berliner Philharmonie drait un 2004 fir dr Berlin Today Award bim Talent Campus vu dr Internazionaale Filmfeschtspiil Berlin nominiert woore.^[2] Anne 2005 hän si dr Dokumentarfilm Gymnase du soir, petites histoires, grandes études un 2009 Buffo, Buten & Howard, e Porträt vum amerikaanische Schriftsteller un Gloon Howard Buten gmacht.

Anne 2010 het s Duo sy eerschte Kinofilm drait, La Petite Chambre (Das kleine Zimmer), mit em Michel Bouquet un dr Florence Loiret Caille in dr Hauptrolle. Dr Film isch 2010 fir dr Internazionaale Wettbewäärb vum Filmfeschtiwäl Locarno uusgweelt woore un het d Schwyz bi dr Oscar fir dr bescht främdsproochig Film verdrätte. Anne 2011 het La Petite Chambre dr Schwyzer Filmbryys fir dr „Bescht Film“ un s „Bescht Draitbeuch“ iiberchuu. 2014 hän d Stéphanie Chuat un d Véronique Reymond fir ds Schwyzer Fäärnsee À livre ouvert drait, e TV-Seerie uf RTS 1, wu si au s Draibuech derfiir gschriibe hän. 2018 hän si Les Dames gmacht.

Ire zweet Spiilfilm My little Sister (Schwesterlein) mit dr Nina Hoss un em Lars Eidinger in dr Hauptrolle isch im Wettbewäärb vu dr Internazionaale Filmfeschtspiil Berlin 2020 in dr Kunkerränz um dr Guldi Bäär glofe.^[3]

Uusglääseni Filmografy

Reschy (mit dr Véronique Reymond)

1999: Un jour mon prince…
2002: Trains de vie
2003: Berlin Backstage
2005: Gymnase du soir, petites histoires, grandes études
2008: Éloge de la biodiversité
2009: Buffo, Buten & Howard
2010: La Petite Chambre (Das kleine Zimmer)
2014: À livre ouvert (6 Episode)
2018: Les Dames
2020: My little Sister (Schwesterlein)
2023: Transatlantic (Fäärnsehserie)

Draibuech (mit dr Véronique Reymond)

2002: Trains de vie
2003: Berlin Backstage
2005: Gymnase du soir, petites histoires, grandes études
2009: Buffo, Buten & Howard
2010: La Petite Chambre (Das kleine Zimmer)
2014: À livre ouvert (6 Episode)
2018: Les Dames – Immer noch Frau
2020: My little Sister (Schwesterlein)
2023: Transatlantic (Fäärnsehserie)

Uuszaichinge un Bryys

1999: Draibuechbryys fir Un jour mon prince…
2004: Nominierig Berlin Today Award fir Berlin Backstage bi dr Internazionaale Filmfeschtspiil Berlin
2011: Schwyzer Filmbryys Quartz „Beschts Draibuech“ un „Beschte Spiilfilm“ fir La Petite Chambre (Das kleine Zimmer)

Weblink

Stéphanie Chuat in dr Internet Movie Database
Schwesterlein Berlinale Programm
Offiziälli Websyte

Fueßnote

↑ SWISS FILMS: Stéphanie Chuat. Abgruefen am 26. Februar 2020.
↑ ^2,0 ^2,1 Véronique Reymond. In: Stéphanie Chuat – Véronique Reymond. 1. Juli 2010, abgruefen am 26. Februar 2020 (änglisch).
↑ Schwesterlein | My Little Sister. Internationale Filmfestspiele Berlin 2020, abgruefen am 26. Februar 2020.

[1] SWISS FILMS: Stéphanie Chuat. Abgruefen am 26. Februar 2020.

[:0-2] 2,0 ^2,1 Véronique Reymond. In: Stéphanie Chuat – Véronique Reymond. 1. Juli 2010, abgruefen am 26. Februar 2020 (änglisch).

[3] Schwesterlein | My Little Sister. Internationale Filmfestspiele Berlin 2020, abgruefen am 26. Februar 2020.

[1]

[2]

[3]