Sankt Anton (Weddige)
D Chile Sankt Anton isch d Pfaarchile vo dr Pfarrei St. Anton i dr römisch-katolische Chilegmäind Weddige.
Si isch vo 1952 bis 1954 für die zwäiti Pfarrei vo Weddige bout worde. Die nöji Pfarrei hät me ygrichtet, wil s Dorf Weddige im 20. Joorhundert so gschnäll gwachsen isch ass die alti Dorfchile Sankt Sebastian nümme glanget hät. Am 18. Juli 1954 hät dr Bischof vo Basel, dr Franziskus von Streng, d Chile Sankt Anton gweit.
D Plään für e Bou hät dr Zürcher Architekt Karl Higi gmacht. Am Afang sind nid alli zfride gsi, ass me so ne modärni Chile ganz us Beton übercho hät. Grad au wäg em ungwoonte Wandbild vom Künschtler Ferdinand Gehr händ sech vili ufgregt. Dr Bischof hät sogar verlangt, das Bild müess für d Chilewey mit emene Vorhang vertekt wärde.
I dr Chile sind drüü gschnitzleti Figure vom Antonius vo Padua.
Im höche Durm vo dr Chile lüüte föif Glogge:
- d Chrischtkönigsglogge, gstimmt uf e Doon cis
- d Angelusglogge, dis
- d Antoniusglocke, fis
- d Glogge vom Brueder Chlaus, gis
- d Glogge vom Sankt Bernhard, h
Weblink
ändere
Commons: Sankt Anton Weddige – Sammlig vo Multimediadateie