Staatsarchiv Züri
S Staatsarchiv Züri – oder wie’s ofiziell heisst: Staatsarchiv vom Kanton Züri – isch s Archiv vom Kanton Züri.
Es isch d Verwaltigsabtäilig, wo d Schrifte vo dr Zürcher Kantonsverwaltig und au d Gschichtskwelle vom Kanton sine Rächtsvorgänger uufbewahrt, samlet und dokumäntiert. Es isch e Täil vo dr Diräkzioon vo dr Justiz und vom Innere'.
Wo i dr Schwiiz ane 1803 mit der Mediazioonsverfassig d Kantöön als eigeständigi Gliider vom Bundesstaat entstande sind, het jede für d Archivdokumänt i sim Hoheitsgebiet müesse luege. Das isch einersyts für die nöie Veraltigsdokumänt eso gsii und es het au für die eltere Rächtsquelle gulte, wo dr Kanton drmit z tue gha het.
Bi de alten Urkunde vom Archiv het’s Stück, wo die eltischte drvo us em früene Mittelalter sind. Bi de elteren Archivbeständ sind öppe d Schrifte vo dr ehemolige Stadtzürcher Landesverwaltig, vom Grossmöischter und vom Chlooschter Rhynau.
1837 isch s Staatsarchiv im ehemolige Fraumöischterchlooschter i dr Stadt Züri ygrichtet worde. 1876 het’s es eerschts Mol züglet, 1919 isch’s in Choor vo dr Predigerchile choo. Und 1982 isch dr Nöibou fürs Archiv bim Irchelpark und bi dr Uni Züri uufggange.
Literatur
ändere- Christian Sieber: Die gedruckten Bestände im Staatsarchiv des Kantons Zürich. Zürich 2007.
- Werner Schnyder, Ernst Winkler: Die kulturgeographisch bedeutsamen Quellen des Staatsarchivs Zürich. In: Mitteilungen der Geographisch-Ethnographischen Gesellschaft Zürich. Band 42, 1943–1944.
Weblink
ändere
Commons: s Staatsarchiv Züri – Sammlig vo Multimediadateie