Taras

De Taras (altgriech. Τάρας) isch de saagehafti Gründer vo de süüdlitalienische Stadt Tarent. Er isch de Soo vom Poseidon und vonere Nymphe Satyra. Di spööteri Saag hett en zomene Soo vom Hercules gmacht und zom Maa vo de Satyra, e Töchter vom Minos.

e tarentinischi Münze miteme Delphinriiter und eme Hippokamp

De Taras werd uf Münze vo Tarent as e Bueb dargstellt, wo em Poseidon d Hand gitt. Degege dörst de Delphinriiter uf de tarentinische Münze de Spartaner Phalanthos zaige, wo di spartanische Parthenier uf Tarent gfüert hett.

Quelle

• Pausanias: Raise z Griecheland 10.10.8
• Serv. Aen. 3.551

Literatur

• Karl Buslepp: Taras. In: Wilhelm Heinrich Roscher (Hrsg.): Ausführliches Lexikon der griechischen und römischen Mythologie. Band 5, Leipzig 1924, Sp. 91–96 (Digitalisat).
• Tobias Goldhahn: Taras. In: Der Neue Pauly (DNP). Band 12/1, Metzler, Stuttgart 2002, ISBN 3-476-01482-7, Sp. 20.