Hauptmenü ufmache
d Tiana Angelina Moser

D Tiana Angelina Moser (* 6. April 1979 z Züri) isch e Schwiizer Umwältwüsseschaftlere und Politikere. Si isch Nationalröötin vo de Grüenliberale.

Dr Moser ihre Bürgerort isch d Gmeind Würelos im Aargau; si het e vier Joor elteri Schwöschter und isch z Wislig ufgwachse und id Schuel ggange. Si het s Gimnasium z Winterthur psuecht und drufabe a dr Uni Züri und z Barcelona studiert. Ihri Studiefächer sind d Politikwüsseschaft, d Umwältwüsseschaft und s Staatsrächt gsi. Ane 2006 het si z Züri s Liz gmacht. Vo 2005 bis 2010 het si am Poly am Departemänt für Umwältsischtemwüsseschafte gschaffet. 2018 isch si d Presidäntin vom Fachverband vo de Schwiizer Elektroaparatebouer FEA woorde: däm het si vorhär scho bi ökologische Frooge zu sine Gräät ghulfe.[1] Si woont z Züri-Witike.

Ane 2004 isch d Tiana Moser dr Grüenliberale Partei byträtte und 2007 isch si vom Zürcher Stimmvolch i Nazionalroot gewäält worde. Sid 2011 isch si d Scheffin vo dr dozmol nöi ufgstelte glp-Frakzioon vom Bundesparlamänt. Privat sind si und dr Nazionalroot Matthias Aebischer es Paar.[2]

SchrifteBearbeite

  • zäme mit em Willi Zimmermann: Ökosystemleistungen des Waldes im politischen Kontext. Bedeutung und Argumenttypen. In: Schweizerische Zeitschrift für Forstwesen 162, 2011, S. 405–411.

WeblinkBearbeite

FuessnooteBearbeite

  1. FEA wählt Tiana Moser zur Präsidentin uf cetoday.ch, 27. April 2018, abgrüeft am 27. Merz 2018
  2. Babyglück im Bundeshaus: Tiana Moser und Matthias Aebischer erwarten ein Kind, uf aargauerzeitung.ch, abgrüeft am 27. Merz 2019