Hauptmenü ufmache
s Domus-Huus am Pflueggässli 3 z Baasel
Dialäkt: Baseldütsch

Dr Tibère Vadi (* 5. August 1923 z Baasel; † 20. Juli 1983 z Baasel) isch e Baasler Archidekt und Partner im Archidekturbüro Rasser & Vadi gsi.

Dr Vadi isch dr Soon vom ene Archidekt und Baasler Beamte gsi. Er het e Bauzäichnerleer bi Bräuning, Leu, Dürig gmacht. Dört het er an dr Blaanig vom Baasler Bürgerspiddaal gschafft. Denn isch er für zwäi Joor uf Zug zum Alois Stadler. Spööter het er fümf Joor z Züüri gläbt und bim Eberhard Eidenbenz und bi Weideli und Müggler gschafft. Gliichzitig isch er Fachhörer an dr ETH Züüri gsi. 1949 isch er uf Bariis und het Kürs an dr Sorbonne gnoo.

Won er e Wettbewärb für d Erwiterig von ere Schuel z Rieche gwunne het, het er mit em erfaarenere Partner, Max Rasser, won er e baar Joor vorhär im Büro vo Bräuning, Leu, Dürig kennegleert het, en Archidektuurbüro ufdoo. Dr Vadi isch im ene Noochruef as e Mensch beschriibe worde, wo nit grad zimperlig gsi isch und vo sinere Blaanig und dene, wo dra mitgschafft häi, vil verlangt und d Entwürf bis in die letschti Konsekwänz duuregsetzt het. Dr Rasser het im Büro für d Konstrukzioon und d Wirtschaftligkäit gsorgt.

LitratuurBearbeite

  • Ulrike Jehle-Schulte Strathaus: Rasser und Vadi. In: Isabelle Rucki, Dorothee Huber (Hrsg.): Architektenlexikon der Schweiz, 19./20. Jahrhundert. Birkhäuser, Basel 1998. ISBN 3-7643-5261-2. S. 433 f.
  • Walter Wurster: Zum Gedenken an Tibère Vadi. In: Werk, Bauen + Wohnen. 71, Nr. 6, 1984, S. 6 (Nachruf: Tibère Vadi uf e-periodica.ch)
  Dä Artikel basiert uff ere fräie Übersetzig vum Artikel „Rasser_und_Vadi“ vu de dütsche Wikipedia.

E Liste vu de Autore un Versione isch do z finde.