Tonia Maria Zindel

D Tonia Maria Zindel (* 15. Juli 1972 z Scuol, Bündnerland) isch e Schwyzer Schauspiileri.

Lääbe

D Tonia Maria Zindel isch z Scuol ufgwagse un un isch z Khuur uf s Kantonsschuel gange. Scho as Schueleri het si welle Schauspiileri gee, iri eerscht effetlig Ufdritt uf ere Biini het si in ere chlaine Roll bi dr Jubiläumsinszenierig „50 Jahre Bertolt Brecht“ am Theater Khuur ghaa. Ai Joor lang isch si z Madrid im Rame vun eme Schuelerneuusdusch gsii.

Ab 1992 isch si uf d Schauspiilakademy Züri gange un het iri eerscht Roll im Tatort: Gehirnwäsche ghaa. Mer chännt si vor allem fir iri Rolle as Flavia Caduff in dr Schwyzer TV-Seerie Die Direktorin oder as Maja Lüthi bi Lüthi und Blanc un iri Guet-Naacht-Gschiichte in ire Muetersprooch Rätoromaanisch. Dernääbe spiilt si au Theater.

D Zindel isch ghyroote, het drei Chinder (e Doochter un zwee Siin) un läbt z Berlin, z Züri un z Conters im Prättigau.

Filmografy (Uuswaal)

• 1993: Das verlorene Loch
• 1993: Tatort: Gehirnwäsche
• 1993: Justiz
• 1994–1995: Die Direktorin (Fäärnseeseerie)
• 1997: Die zweite Hand
• 1997: Das kleine Mädchen
• 1998: Ein tödliches Verhältnis
• 1999: Bill Diamond – Geschichte eines Augenblicks
• 1999: Das Mädchen aus der Fremde
• 1999–2006: Lüthi und Blanc (Fäärnseeseerie)
• 2000: Schäfchen zählen (Chuurzfilm)
• 2002: Dolce Vita & Co (Fernsehserie) – Folg: Die Mischpoche
• 2010: Charly's Comeback
• 2011: Familie macht glücklich
• 2015: Schellen-Ursli
• 2017: Der Bestatter (Fäärnseeseerie) – 5. Stapfle, Folg 2
• 2018: Amur senza fin

Theater

• 2016- 2017: Grundriss der Hoffnung, Miller's Studio Zürich, Reschy: Katja Früh
• 2015: Bergpiraten (Musiktheater), Theater Chur, Reschy: Achim Lenz
• 2012: Weisses Rössel (Operette), Casinotheater Winterthur, Reschy: Katja Früh

Heerspiil

• 2013: Carin Bartosch Edström: Der Klang des Todes – Reschy: Sven Stricker (Kriminalheerspiil –DKultur)
• 2013: Ricarda Bethke: Wer geht zuerst – Reschy: Steffen Moratz (Heerspiil – DKultur)

Uuszaichnige

• 2000: Students Award (USA) – Nominierung fir d Hauptroll in „Schäfchen zählen“
• 2000: Schwyzer Filmbryys (Schweiz) – Nominierig fir iri Näberoll in „Bill Diamond“

Weblink

• Tonia Maria Zindel uf dr Websyte vu dr Agäntuur Castforward
• Tonia Maria Zindel in dr Internet Movie Database
• Biografy mit Bild bi cyranos.ch
• «Ich habe keine devote Ausstrahlung», Interview uf watson.ch, 3. Augschte 2018