Guntersch
Guntersch isch e Gmäind vom Kanton Graubünde.
| Guntersch (Conters im Prättigau) | |
|---|---|
 (Conters im Prättigau) | |
| Basisdate | |
| Staat: | Schwiiz |
| Kanton: | Graubünde (GR) |
| Region: | Prättigau/Davos |
| BFS-Nr.: | 3881 |
| Poschtleitzahl: | 7241 |
| Koordinate: | 779177 / 195894 |
| Höchi: | 1'110 m ü. M. |
| Flächi: | 18.40 km² |
| Iiwohner: | 241 (31. Dezämber 2022)[1] |
| Website: | www.conters.ch |
 Guntersch | |
| Charte | |
 (Conters im Prättigau) | |
Geografy
ändereGuntersch lyt im Prätigä, uf dr Schattäsyte vom Tal, grad wisawi vo Saas. Dr Gmäindbann foot unde a dr Landquart aa und goot ufe bis zum Durannapass.
Zu dr Gmäind ghöre s Dorf, wo sälber Guntersch heisst und wo d Hüüser ganz noch zäme stönd, und dr Wyyler Brunnä. Bim Dorf sind Güeter mit Nääme wie Heinze Huus, Neese Huus, Lienisch Huus oder Paalisch Huus.
D Nochbrgmäinde vo Guntersch sind Arosa, Fiderisch, bim Chlooschter und Chüblisch.
Gschicht
ändereCunters isch anne 1290 s erschte Mol im enä Dokumänt gnänt.
Im vierzääte oder füüfzääte Jaarhundert sind d Walser i das Gebiet choo. Sider pruucht me näbe den alte romanische Fluernääme wie Plandagorz, Cafrida, Cafilonga, Cavadura, Pardels, Pargätschä, Pludiseidis, Praberjan und vo dr Alp Duranna au die jüngere walserdüütsche Nääme; und au dr Dorfname Guntersch sälber chunt ja von ere alte romanische Bezeichnig här.
Mit Chüblis und Saas isch Guntersch im Gricht Chlooschter üssere Schnitz gsi.
Z Guntersch het anne 1622 dr Prätigär Freiheitskampf agfange.
Literatur
ändere- Otto Clavuot: Guntersch. In: Historisches Lexikon vo dr Schwiiz.
- C. Hansemann: Conterser Heimatbuch. 2001.
Weblink
ändere
Commons: Guntersch – Sammlig vo MultimediadateieFuessnoote
ändere- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
