Trudi Gerster
| Dialäkt: Baseldütsch |
D Trudi Gerster (* 6. September 1919 z Sanggalle; † 27. April 2013 z Baasel[1]) isch e Schwizer Schauspiilere, Määrliverzelere und Politikere gsi.
Karriere
ändereD Gerster het 1939/40 d Schauspiilschuel Züüri absolviert und het Brivaatunderricht u. a. bim Ernst Ginsberg gnoo. An dr Landi 1939 het si iir ersts Angaaschmang as «Määrlifee» überchoo. Vo 1940 bis zur Geburt vo iire Chinder isch si am Stadttheater Sanggalle aagstellt gsi, wo si u. a. d Gretchen im Goethe sim Faust gspiilt het, und het regelmäässig Gschichtli im Chinderbrogramm vom Schwizer Radio verzelt. Vo 1945 aa isch si freiji Schauspiilere gsi. Nääbedraa het d Gerster meereri Chinderbüecher verfasst. D Gerster het iiri Schauspiilkarriere in dr Middi vo de nünzäähundertfufziger Joor ufgee.
As Määrliverzelere het d Trudi Gerster drei Generazioone vo Schwizer wäärend iirer Chindhäit begläitet. Si het klassischi Määrli vo de Brüeder Grimm und vom Andersen verzelt, aber au Gschichte wo si sälber erfunde het. Si eht in e Hufe Hörspiilbrodukzioone mitgmacht und Hörbüecher uusegee. Si het Briis für e Hufe vo iire Doondrääger überchoo und für iir Wärk im Allgemäine: 1998 isch si zur beliebtiste Kulturschaffende in dr Schwiz gwelt worde und 2005 het si dr Eere–Prix Walo überchoo[2].
Politik
ändereVo 1968 bis 1980 isch d Gerster im Groosse Root vom Kanton Baasel-Stadt gsässe, zerst as Bardeiloosi, spööter as Verdrätere vom Landesring vo de Unabhängige. Si het sich für d Fürderig vo dr Kultuur (u. a. Basler Chindertheater) und Umwältschutz iigsetzt ind isch Vorstandsmitgliid vom Baasler Häimetschutz gsi.
Brivaat
ändereD Gerster isch zwäimol verhürootet gsi und het zwäi Chinder, d Esther Jenny und dr Andreas Jenny mit iiren erste Maa ghaa[3].
Wärk (Uswaal)
ändereErzäälige
ändere- Trudi Gerster erzählt – Edition erlebt und erinnert (2010)
- Weihnachtsgeschichten (2002)
- Wie der Elefant zum Rüssel kam (2001)
- Zauberhexen – Hexenzauber (1999)
- Drachengeschichten (1998)
- Schweizer Märchen (1990)
- Wie der Elefant zum Rüssel kam (1986)
Filmografii
ändere- Lüthi und Blanc (TV-Soap, 2005)
- Geld oder Leben (Kinofilm, 2008)[4]
- Trudi Gerster – Die Märchenkönigin (Kinofilm, 2009)[5]
Litratuur
ändere- Trudi Gerster. In: Andreas Kotte (Hrsg.): Theaterlexikon der Schweiz. Band 1. Chronos, Zürich 2005, ISBN 3-0340-0715-9, S. 699.
- Hansruedi Lerch: Gerster, Trudi. In: Historisches Lexikon vo dr Schwiiz.
Weblingg
ändere- Trudi Gerster in de Internet Movie Database (änglisch)
- Website vo dr Trudi Gerster
- Das erste Mal – Zum Märchen geboren?, Interviuu mit dr Trudi Gerster, NZZ Folio, 5/2000
- Trudi Gerster erzählt: Autobiografisches Hörbuch aus der Edition erlebt und erinnert
Fuessnoote
ändere- ↑ Die «Märlikönigin» Trudi Gerster ist tot, Tages-Anzeiger/Newsnet, 28. April 2013, abgrüeft am 28. April 2013.
- ↑ Ehren Prix Walo
- ↑ Website vo dr Trudi Gerster. Archiviert vom Original am 3. Juli 2013; abgruefen am 28. April 2013.
- ↑ Geld oder Leben Archivlink (Memento vom 25. Jänner 2016 im Internet Archive)
- ↑ Trudi Gerster – Die Märchenkönigin
|
Dä Artikel basiert uff ere fräie Übersetzig vum Artikel „Trudi_Gerster“ vu de dütsche Wikipedia. E Liste vu de Autore un Versione isch do z finde. |