Dr UCI-Wältkaländer 2010 het sich vom 2009 Rennkaländer vor allem in dam inderschiide, ass zwei kanadischi Renne drzue cho si: dr Grand Prix Cycliste de Québec und dr Grand Prix Cycliste de Montréal. Chliinere Underschiid het s im Früehlig ge. D Katalonie-Rundfahrt isch stark vorverschobe worde vom Mai uf e Merz und Gent–Wevelgem isch vor dr Flandere-Rundfahrt cho.
Am 1. Juni 2010 het d UCI bekannt gee, ass noch dr Suspendierig vom Alejandro Valverde alli siini Rennergäbniss retroaktiv vom 1. Januar 2010 aa us dr Wärtig gno und d Pünkt entsprächend neu berächnet worde sin. Eso isch dr Philippe Gilbert nochdräglig zum Gsamterste noch dr Tour de Romandie erklärt worde, und dr Cadel Evans het dr Valverde noch em Giro d’Italia as Erste abglöst. Au im Teamklassemänt het s wäge däm nochdräglich e baar Änderige ge.
.svg){kind=small}
.svg){kind=small}