UN-Klimakumferänz

D UN-Klimakumferänz (änglischer Originaltitel: United Nations Climate Change Conference, au (Wält-)Klimagipfel oder Wält-Klimakumferänz) isch d Kumferänz vo de Länder (Conference of the Parties, COP), wo gmäss em Vertrag bi dr UN-Klimaramekunvänzion mitmache; die findet all Johr statt.

Gschicht

Syter anne 2005 het s an däre Kumferänz au s Dräffe vu dr Mitglider vum Kyoto-Protokoll (Conference of the Parties serving as the meeting of the Parties to the Kyoto Protocol, CMP) un syt 2016 s Dräffe u dr Mitglider vum Paris-Abchuu (Conference of the Parties serving as the meeting of the Parties to the Paris Agreement, CMA).

Di erscht UN-Klimakumferänz het vum 28. Merz bis zum 7. April 1995 z Berlin stattgfunde, ai Johr noch em Inchraftdrätte vu dr Klimaramekunvänzion, wu uf em Umwältgipfel z Rio de Janeiro (3. bis 14. Juni 1992) bschlosse woren isch.

Zyyl

Im Mittelpunkt vu dr Klimakumferänze isch langi Zyt gstande, e Noofolgprotokoll z entwickle fir Kyōto-Protokoll, wu 2012 uusglofen isch. Des isch bishär s ainzig velkerrächtli verbindlig Inschtrumänt vu dr Klimaschutzbolitik. Im Kyōto-Protokoll sälber sin nume verglychswys gringi Verpflichtige vu dr Induschtryländer zue dr Reduktion vu ihrem Uusstoß an Dryybhuusgaas feschtgschribe. Uf dr UN-Klimakumferänz z Durban isch bschlosse wore, ass es Kyōto-Protokoll zerscht verlengeret wäre soll ab em 1. Jänner 2013 mit ere zwoote Verpflichtigsperiod, Reduktionszyyl un Duur vu dr zwoote Verpflichtigsperiod isch uf dr 18. UN-Klimakumferänz z Katar 2012 feschtglait wore.

E globali Poscht-Kyoto-Regelig, wu vyl noch em Schytere vu dr UN-Klimakumferänz z Kopehaage 2009 nimi glaubt ghaa hän, isch uf dr 21. UN-Klimakumferänz z Paris bschlosse wore. Dr Verdrag isch am 4. Novämber 2016 in Chraft drätte.

Lischt vu dr Klimakumferänze

1. UN-Klimakumferänz (COP 1): 28. Merz bis 7. April 1995, Berlin (Dytschland)
2. UN-Klimakumferänz (COP 2): 8. bis 19. Juli 1996, Gämf (Schwyz)
3. UN-Klimakumferänz (COP 3): 1. bis 11. Dezämber 1997, Kyōto (Japan)
4. UN-Klimakumferänz (COP 4): 2. bis 13. Oktober 1998, Buenos Aires (Argentinie)
5. UN-Klimakumferänz (COP 5): 25. Oktober bis 5. Novämber 1999, Bonn (Dytschland)
6. UN-Klimakumferänz (COP 6): 13. bis 24. Novämber 2000, Den Haag (Niderlande)
6. UN-Klimakumferänz (COP 6-2) (Furtsetzig): 16. bis 27. Juli 2001, Bonn (Dytschland)
7. UN-Klimakumferänz (COP 7): 29. Oktober bis 9. Novämber 2001, Marrakesch (Marokko)
8. UN-Klimakumferänz (COP 8): 23. Oktober bis 1. Novämber 2002, Nei-Delhi (Indie)
9. UN-Klimakumferänz (COP 9): 1. bis 12. Dezämber 2003, Mailand (Italie)
10. UN-Klimakumferänz (COP 10): 6. bis 17. Dezämber 2004, Buenos Aires (Argentinie)
11. UN-Klimakumferänz (COP 11 / CMP 1): 28. Novämber bis 9. Dezämber 2005, Montréal (Kanada)
12. UN-Klimakumferänz (COP 12 / CMP 2): 6. bis 17. Novämber 2006, Nairobi (Kenia)
13. UN-Klimakumferänz (COP 13 / CMP 3): 3. bis 14. Dezämber 2007, Bali (Indonesie)
14. UN-Klimakumferänz (COP 14 / CMP 4): 1. bis 12. Dezämber 2008, Pose (Pole)
15. UN-Klimakumferänz (COP 15 / CMP 5): 7. bis 18. Dezämber 2009, Kopehaage (Dänemark)
16. UN-Klimakumferänz (COP 16 / CMP 6): 29. Novämber bis 10. Dezämber 2010, Cancún (Mexiko)
17. UN-Klimakumferänz (COP 17 / CMP 7): 28. Novämber bis 11. Dezämber 2011, Durban (Sidafrika)
18. UN-Klimakumferänz (COP 18 / CMP 8): 26. Novämber bis 8. Dezämber 2012, Doha (Katar)
19. UN-Klimakumferänz (COP 19 / CMP 9): 11. bis 23. Novämber 2013, Warschau (Pole)
20. UN-Klimakumferänz (COP 20 / CMP 10): 1. bis 14. Dezämber 2014, Lima (Peru)
21. UN-Klimakumferänz (COP 21 / CMP 11): 30. Novämber bis 12. Dezämber 2015, Paris (Frankrych)
22. UN-Klimakumferänz (COP 22 / CMP 12 / CMA 1-1): 7. Novämber bis 18. Novämber 2016, Marrakesch (Marokko)
23. UN-Klimakumferänz (COP 23 / CMP 13 / CMA 1-2): 6. Novämber bis 17. Novämber 2017, Bonn (Dytschland)
24. UN-Klimakumferänz (COP 24 / CMP 14 / CMA 1-3): 2. bis 14. Dezämber 2018, Kattowitz (Pole)
25. UN-Klimakumferänz (COP 25 / CMP 15 / CMA 2): 2. bis 13. Dezämber 2019, Madrid (Spanie)
26. UN-Klimakumferänz (COP 26 / CMP 16 / CMA 3): 31. Oktober bis 12. Novämber 2021, Glasgow (Schottland)
27. UN-Klimakumferänz (COP 27 / CMP 17 / CMA 4): 6. bis 20. Novämber 2022, Scharm asch-Schaich (Egypte)
28. UN-Klimakumferänz (COP 28 / CMP 18 / CMA 5): 30 Novämber bis 12 Dezäber 2023, Dubai (Verainigti Arabischi Emirat)

Literatur

Nick Reimer: Schlusskonferenz. Geschichte und Zukunft der Klimadiplomatie. Oekom Verlag, München 2015, ISBN 978-3-86581-746-4.

Weblink

Commons: United Nations Climate Change Conference – Sammlig vo Multimediadateie

United Nations Framework Convention on Climate Change. (UNFCCC). In: unfccc.int (Februar 2015)
UN-Klimakonferenzen: Etappen des Klimaverhandlungsprozesses. Ibersichtssyte vum Bundesumwältminischterium. uf: bmub.bund.de.
Lischt vu dr offiziälle Websyte vu dr UN-Klimakumferänze syt dr 3. Klimakumferänze z Kyoto In: unfccc.int (Februar 2015)
Dytschsprochigi Informatione zue dr UN-Klimakumferänze im „Lexikon der Nachhaltigkeit“
Nick Reimer u. a.: Uusfierligi Bericht iber alli Klimakumferänze syt dr 13. Klimakumferänze uf Bali im Onlinemagazin klimaretter.info