Dr Walter Olschowka (* 2. Februar 1931 z Zäll; † 14. Februar 2012 z Huuse) isch e dytsche Lehrer un alemannische Dialäktautor gsii.

Lääbe ändere

Dr Olschwoka het no dr Schuel z Meersburg studiert un derno langi Johr z Haltingen un z Maulburg unterrichtet. Schließlig isch er uf Huuse chuu un isch dert ab 1968 bis zue syre Pänsionierig 1987 Schuellaiter vu dr Grund- un Hauptschuel wore.

Syt 1953 isch er Mitglid vu dr SPD gsii. Är fir sy Bartei au vu 1970 bis 1978 im Gmairot vu Huuse ghockt.

Är het im Chilchechoor un im Singchrais gsunge. Är isch Mitgrinder vum Ortsverain vum Schwarzwaldverain gsii, het er si in dr Gewerkschaft für Erziehung und Wissenschaft engaschiert un isch Vorsitzer vu dr AWO gsii. Derzue isch er Mitglid in dr maischte Huusemer Verain gsii, unter anderem au in dr Fasnetszumft.

Mit syre Frau Herta, wun er 1956 ghyrote het, het er vier Chinder ghaa. In dr Ferie isch er gärn graist, isch z Oschtasie gsii, z Mittel- un Sidamerika, in dr Karibik, dr USA un z Afrika.

Dr Olschwoka het si seli derfir engaschiert, ass dr alemannisch Dialäkt läbig blybt. Är isch en aktiv Mitglid in dr Muettersproch-Gsellschaft gsii un isch unter anderem vu 1996 bis 2002 lang dr Laiter vu dr Regionalgruppe Wisedal gsii. Är het d Regionalgruppe vu Schopfe uf Huuse gholt un derfir gsorgt, ass d Gruppedräffe im Hebelhüüsli stattfinde. Är het insgsamt zwelf Theaterstuck uf Alemannisch gschribe, wu vu dr Huusemer Laiespiilgruppe ufgfiert wore sin, unter anderem bi dr Huusemer Hebeloobe. Är het dr Wortschatz vum Wisedäler Dialäkt gsammlet, s Werterbuech derzue mit rund 6000 Werter cha mer online lääse uf dr Werbsyte vu dr Gmai Huuse. Är het si au arg derfir yygsetzt, ass z Huuse s Erb vum Johann Peter Hebel bflägt wird. In sym autbiografische Buech „Der Oski“ het er er syni Chindhait un Juged im Wisedal bschribe. As freie Mitarbaiter het er au Artikel fir di Badisch Zytig gschribe, scho in dr 1970er Johr het er fir Zytige e Kolumne unter em Pseudonym „Zundelheiner“ gschribe, gnännt no dr glychnamige Figur us dr Kaländergschichte vum Hebel.

Wärch ändere

  • Alemannisches Wörterbuch des Wiesentals und des südlichen Markgräflerlandes. Schriftdeutsch – alemannisch. Hausen i. W. [ca. 2004]. 100 Blatt
  • De lang Weg. E Soldateschicksal us em zweite Weltchrieg. Hausen i. W. 2001. 27 Bl.
  • Der Oski. E alemannischi Buebegschicht us em letschte Chrieg. Hausen i. W. 2001. 51 S.
  • 12 alemannischi Theaterstuck, unter anderem „Der kluge Richter“, „Der schlaue Husar“, „Der große Schwimmer“ un „Der Brassenheimer Müller“, derzue alemannischi Chripfespiil, Gedicht, Ballade, Zytigskolumne, Fasnetsreede un Ibersetzige.

Weblink ändere