Witznaudalschperri

Witznau Stausee
	Staumuèer mit integryrtem Turbinèhuus Staumuèer mit integryrtem Turbinèhuus
Laag:	Landkreis Waldshuèt
Zueflüss:	Schwarza
Gröösseri Ort in dr Nööchi:	Wylè, Üülingè-Birchèdorf
	Witznau Stausee (Baden-Württemberg) Witznau Stausee
	Baden-Württemberg, Deutschland
Koordinate	47° 41′ 18″ N, 8° 15′ 5″ OKoordinate: 47° 41′ 18″ N, 8° 15′ 5″ O
	Date über s Bauwärk
Bauzit:	1939–1943
Hööchi über dr Daalsoole:	36,50 m
Hööchi über dr Gründigssoole:	49,35 m
Hööchi vo dr Bauwärkchrone:	476 m
Bauwärkvolume:	63.600 m³
Chronelengi:	116 m
Chronebräiti:	6,2 m
	Date über e Stausee
Hööchi vom Stauziel:	474,5 m
Wasseroberflechi bi Vollstau:	14 ha
Spiicherruum:	1,42 Mio. m³
Gsamtstauruum:	1,42 Mio. m³
Iizugsgebiet:	92,57 km²
Bemässigshoochwasser:	240 m³/s

D Witznaudalschperri bzw. dè Stausee Witznau (Witznaubeggi) isch è Bumpspycher-Stausee im Dal vo dè Schwarza bi Witznau, Üülingè-Birchèdorf, im Süèdschwarzwald.

Geografy

Luftbild vo dè Witznaudalschperri links unnè, i dè Mitti lyt Berau uff èm Süddach vom Brèndemer Bärg, rächts d Schlüècht

S Witznaubeggi vom obberè Seeufer un vom Flakschtand obberhalb vom Berauer Horn uus aagluèget

Dè Stausee Witznau lyt im Dal vo dè Schwarza öppè 1,25 km obberhalb vom nammensgebendè Ort Witznau bzw. vo dè Mündig i d Schlüècht (Koordinaten luèg obbè) uff ca. 475 m ü. NN. S Kraftwärk un dè Stausee liget uff èm Gebièt vo dè Gmeindè Wylè un Üülingè-Birchèdorf. Uumittelbar öschtlich uff èm Buckel befindet sich d Ortschaft Berau, Gmeind Üülingè-Birchèdorf, mit èm zu dè Bumpspycheraalaag ghörendè Wasserschloss.

Èm Stausee nõch füürt d Kreisstrõß 6561 vo dèrè uus è Gmeindestrõß uff dè Buckel im Weschtè gu Nöggèschwyl, Gmeind Wylè, füürt.

Funktion

Dè Stausee Witznau isch s Unterbeggi vom Bumpspycherwärk Witznau bi dè Schluchseewärk AG zwischè m Schluchsee un èm Hochrhy.

D Dalschperri übernimmt für d Mittelschtufè, s Bumpspycherkraftwärk Witznau d Funktion vom Unterbeggi mit èm Stausee Schwarzabrugg als Obberbeggi.

Glychzitig isch si für d Unterschtufè, s Kraftwärk Waldshuèt, s Obberbeggi mit èm Rhy als natürlichs Unterbeggi (Rückschtauberych vom Flusskraftwärk Rhykraftwärk Albrugg-Dogerè AG (RADAG)).

D Obberschtufe bildet dè Schluchsee (Obberbeggi) zämmè mit èm Stausee Schwarzabrugg (Unterbeggi).

Dè Stausee Witznau wörd durch è Weer a dè Schlüècht, i dè Nòchi vo dè Mettma-Mündig, zuèsätzlich mit Wasser vosorget.

Technischi Merkmõl

S Kraftwärk Witznau hèt als Mittelschtufè vo dè drei Stufè diè gröscht Fallhöchi vo 250 m. Sini Uusbauleischtung betrait 220 MW Turbinèleischtung un 128 MW Bumpèleischtung.

S Absperrbauwärk isch è Gwichtsschtaumuèr us Bedong. S Kraftwärksgebäude isch uff d Muèr uffgsetzt worrè.

Geschichtè

D Bauzit vo dè Staumuèr hèt vo 1939 bis 1943 duèret, als es Kraftwärk mit èm erschtè Maschinnèsatz in Betrièb gnõ worrè isch. Chriègsbedingt sin d Bauarbetè unterbrochè worrè. Erscht 1950 isch s Kraftwärk mit insgsamt vir Maschinnè vollschtändig in Betrièb gnõ worrè.

Literadur

Peter Franke, Wolfgang Frey: Talsperren in der Bundesrepublik Deutschland. DNK – DVWK 1987, ISBN 3-926520-00-0.

Dä Artikel basiert uff ere fräie Übersetzig vum Artikel „Witznautalsperre“ vu de dütsche Wikipedia. E Liste vu de Autore un Versione isch do z finde.