Dr Zarli Carigiet – äigentlich Balthasar Anton Carigiet –, wo am 5. Augschte 1907 z Trun im Bündnerland uf d Wält cho und am 6. Mai 1981 z Mänidoorf gstoorben isch, isch e Schwiizer Schauspiler gsy.

sis LäbeBearbeite

Dr Zarli Carigiet isch e Puuresoon us dr Surselva gy. Si Vatter hät Alois Carigiet und d Muetter Barbara Antonia Lombriser ghäisse. Dr Zarli hät e Moolerleer gmacht und isch wie si Brueder, dr Alois Carigiet, is Underland uf Züri abe ggange. Er het em Alois ghulfe bi dem syne Moolerarbete. 1940 hät er d Jacqueline Moillet ghürootet, und wo sich die beide händ lo scheide, ane 1949 d Doris Eberli.

Ane 1927 isch dr Zarli Carigiet zum Theaterspiile choo. Vo 1934 bsi 1947 isch er im Cabaret Cornichon ufträtte und sit 1949 im Cabaret Fédéral. Z Züri isch er au uf dr Büüni vom Rudolf Bernhard sym Theater ufträtte.

Im Werner Wolebèèrger sym Theaterstuck Eusi chliini Stadt hät er s Lied Miis Dach isch dr Himmel vo Züri gsunge, wo tank iim gly en Tüütschschwiizer Evergreen woorden isch. Vom Theaterspiile isch dr Carigiet mit sinere markante Schtimm als Sprächer au zum Radio choo.

Und er hät es paar Role i Schwiizer Filmprodukzioone ghaa. Er isch eine vo de reglmässige Filmschauspiiler vom früene Mundartfilm gsy.

Dr Carigiet isch öppedie Gascht im Hotel Krafft z Basel gsy.

i was für Film as er gspiilt hätBearbeite

  • Die Entstehung der Eidgenossenschaft, 1924
  • Jä-soo! 1935
  • Füsilier Wipf, 1938
  • Wachtmeister Studer, 1939
  • Gilberte de Courgenay, 1941 (über d Gilberte de Courgenay)
  • Landammann Stauffacher, 1914
  • Der Schuss von der Kanzel, 1942
  • Matto regiert, 1947
  • Swiss Tour, 1949
  • Palace Hotel (Film)|Palace Hotel, 1952
  • SOS – Gletscherpilot, 1959
  • Hinter den sieben Gleisen, 1959
  • Wenn d'Fraue wähle, 1960
  • Der Teufel hat gut lachen, 1960
  • Wilhelm Tell, 1960
  • Es Dach überem Chopf, 1962
  • Finden Sie, daß Constanze sich richtig verhält? 1962
  • Schneewittchen und die sieben Gaukler, 1962
  • Bonditis, 1966

LiteraturBearbeite