1449

1449
Dr Konstantin XI. wird zum byzantinische Chaiser gchrent.

Was isch bassiert?

6. Jänner: Dr Konstantin XI. wird as Noofolger vu sym im Vorjohr verstorbene Brueder Johannes VIII. zum byzantinische Chaiser gchrent. Vor syre aigene Chaiserschaft isch dr Konstantinos dr Deschpot vu dr byzantinische Provinz Morea uf dr Halbinsle Peloponnes gsii. D Chrenig findet no vor syre Abrais uf Konstantinopel in dr dertige Hauptadt Mistra statt, ass kaini Yyspich vum Osmanische Rych unter em Sultan Mehmed II. cheme, wu dertemol scho fascht ganz Chlaiasie bsetzt ghaa het.
6. Juli: In dr Schlacht bi Castione siigt di us em Herzogtum Mailand firigange Ambrosianisch Republik iber dr aidgnessisch Ort Üri in dr Ennetbirgische Fäldzig.
1. September: In dr Schlacht bi Waldstette im Oberdytsche Stedtchrieg wird e Heer vu dr Rychsstadt Gmend, wu uf em Haimwä#g vu Waldstette isch, vun ere Heeresabdailig vum Grof Ulrich V. vu Wirttebärg, wu vu Geppenga här chuu isch, iberrascht un gschlaa.
Z Toledo chunnt s zuen eme Pogrom gege zum Chrischtedum konvertierti Jude (marranos).
Dr letscht historische Gegepapscht Felix V. dritt im Alter vu 66 Johr zrugg. Dr Papscht Nikolaus V. wird vum Konzil z Lausanne anerkännt. S Konzil lest si uf un markiert s Änd vu dr Konzilperiod.

Commons: 1449 – Sammlig vo Multimediadateie