Adrian Hasler
Dr Adrian Hasler (* 11. Februar 1964 z St. Galle) isch e liechteschtainische Bolitiker (FBP) un syt em 27. Meerz 2013 Regierigsschef vum Fiirschteduum. Derzue isch dr Hasler im aktuälle Kabinett fir s Minischterium fir Bresidials un Finanze verantwoortli.
Lääbe
ändereDr Hasler stammt vu Balzers. Vu 1979 bis 1984 isch er uf s Liechteschtainisch Gimnasium z Vaduz gange, wun er mit dr Aidgnessische Matura Typus E abgschlosse het. No dr Schuel het er vu 1984 bis 1991 Bedriibswiirtschaft, mit em Verdiefigsbiet Finanz- un Räächnigswääse. an dr Hochschuel St. Galle studiert un het e Lizenziat (lic.oec.HSG) iiberchuu. Vu 1992 bis 1996 sich dr Hasler Laiter fir Controlling im Gschäftsberaich Thin Films bi dr Balzers AG gsii un vu 1996 bis 2004 Laiter fir Group Finance un stellverdrättende Diräkter bi dr Verwaltigs- un Privat-Bank z Vaduz.
Anne 2001 isch er fir di Fortschrittlich Bürgerpartei (FBP) in liechgteschtainisch Landdaag gweelt woore. As Abgoordnete isch er Mitgliid vu dr Finanzkummission gsii. Im Meerz 2004 het er sy Mandat niiderglait go neie Bolizeischef vu dr Liechteschtainische Landesbolizei wääre. Am 1. April 2004 het er dr interimistisch Bolizeischef Martin Meyer abgleest.[1] Fir dr Hasler isch dr stellverdrättend Abgoordnet Marco Ospelt in Landdaag noogruckt.[2]
Bi dr Landdaagswaal aafangs 2013 isch er Spitzekandidaat vu dr FBP fir s Amt vum Regierigsschef gsii. Am 27. Meerz 2013 het er noch em Waalsiig vu dr FBP un dr Veryybaarig vun ere neie Koalizioonsregierig mit dr VU sy nei Amt aadrätte. Dr Jules Hoch, um des Zyt Laiter vu dr Kriminalbolizei, isch am 28. Meerz interimistisch Bolizeischef woore.[3]
Dr Hasler isch ghyroote un het zwai Chinder.
Anne 2016 het er aagchindet, ass er bi dr Landdaagswaal 2017 wider as Spitzekandidaat fir d FBP kandidiere wett, zäme mit dr Aurelia Frick un em Mauro Pedrazzini.[4] Drotz Verluscht isch d FBP au us däre Waal as Siiger fiirigange un dr Hasler het sy Amt in dr neie Koalizioonsregierig mit dr VU chenne fuurtsetze.
Literatur
ändere- Adrian Hasler, In: Internationales Biographisches Archiv. 32/2013 vom 6. Augschte 2013, im Munzinger-Archiv (Artikelaafang frei abruefbar)
Weblink
ändere
Commons: Adrian Hasler – Sammlig vo Multimediadateie- Redaktion HLFL: Hasler, Adrian. In: Historischs Lexikon vom Förschtatum Liachtastaa.
- Adrian Hasler uf dr Internetsyte vu dr liechteschtainische Regierig.
Fueßnote
ändere- ↑ „Adrian Hasler zum neuen Polizeichef bestellt“ (Memento vom 29. Augschte 2014 im Internet Archive), presseportal.ch, 13. Novämber 2003.
- ↑ Liechtensteiner Volksblatt, 12. März 2004, S. 3.
- ↑ Bestellung von Jules Hoch als interimistischer Polizeichef (Memento vom 24. Septämber 2015 im Internet Archive), 28. Meerz 2013.
- ↑ FBP startet in den Wahlkampf. Abgruefen am 29. September 2016.
|
Dä Artikel basiert uff ere fräie Übersetzig vu dere Version vum Artikel „Adrian_Hasler“ vu de dütsche Wikipedia. E Liste vu de Autore un Versione isch do z finde. |