Alemannisches Institut

S Alemannische Institut Freiburg i. Br. e. V. isch e Verainigung vu Wisseschaftler, wu si di landeskundlig Erforschig vum alemannische Sproch- un Siidligsruum zum Zyyl gsetzt het. Im Alemannische Inschtitut sin rund 200 Mitglider us fascht allne wisseschaftlige Fachrichtige verdrätte, zum Byschpel Geografy, Geology, Germanischtik, Gschicht, Dialäktology, Landespflääg, Botanik, Forschtwisseschaft, Landesplanig, Archeology, Rächtsgschicht, Chunscht- un Architekturgschicht, Grichtsmedizin, Soziology un anderi.

Hauptyygang

Gschicht un Struktur

S Ischtitut isch anne 1931 uf Aaregig vum domolige Ryychsinneminischter Joseph Wirth as usseruniversiteri Forschigsyyrichtig grindet wore. Noch em Hischtoriker Theodor Mayer isch dr Geograf Friedrich Metz langjehrige Vorsitzer wore. Dur s Inschtitut, wu in dr Nochrichteverbund vum Ryychssicherhaitshauptamt vu dr SS gege d Schwyz yybunde gsii isch, het dr Metz velkischi Forschige bezogen uf dr alemannisch Ruum vum Oberryy bis Vorarlberg un em Monte-Rosa-Massiv propagiert.

S Alemannisch Inschtitut wirkt as Verbindig vu Fachwisseschaft un dr interessierte Effetligkait dur landeskundligi Publikatione, d Veraastaltig vu wisseschaftlige Fachvordreg un Dagigen un dur d Organisation vu landeskundlige Vordragsraien un Exkursione. Dernäbe duet dr Verain d Zämenarbet mit andere landeskundligen un landesgschichtlige Inschtitutione ferdere.

S Alemannisch Inschtitut isch en yydraite Verain un wird vor allem dur s Land Bade-Wirttebärg gferderet. Näbe dr Hauptstell z Fryybeg unterhaltet s Alemannisch Inschtitut en Arbetsgruppe an dr Universitet Dibenga.

Vorsitzer vum Alemannische Inschtitut isch vu 2001 bis 2014 dr Provinzialremisch Archäolog Hans Ulrich Nuber, syt em April 2014 isch dr Werner Konold dr Vorsitzer.

Sit 1951 git s Alemannisch Inschtitut im Abstand vu aim bis drei Johr s Alemannisch Johrbuech use.

Literatur

• Das Alemannische Institut. 75 Jahre grenzüberschreitende Kommunikation und Forschung (1931-2006). Hrsg. vom Alemannischen Institut Freiburg im Breisgau. Freiburg und München 2007; dodin u. a.
  • Jürgen Klöckler: Vom Alemannischen Institut zum „Oberrheinischen Institut für geschichtliche Landeskunde“. Theodor Mayer als Wissenschaftsorganisator im „Dritten Reich“, S. 135-142 (Volltext als PDF)
  • Jörg Stadelbauer: Kämpfer für Struktur, Standort und Profil des Alemannischen Instituts – Friedrich Metz (1938-1945; 1952-1962), S. 143-154 (Volltext; PDF; 1,6 MB)

Weblink

• Internetufdritt

Fueßnote

47.995787.84475

Dä Artikel basiert uff ere fräie Übersetzig vu dere Version vum Artikel „Alemannisches_Institut“ vu de dütsche Wikipedia. E Liste vu de Autore un Versione isch do z finde.